amalinks wokungena

Breaking News

Inengi Lamukela Isinqumo Sokuvunyelwa Ukuthenga Impahla Kwamanye Amazwe


Groceries

Isinqumo sikahulumende esokuvumela abantu ukuthi bathenge impahla phandle kwelizwe, samukelwe ngenjabulo ngabanye abeZimbabwe abahlala eBotswana, abathi kuzaphathisa ukulwisa udubo lokusilela kwemphahla ethile ekhaya.

Ngomnyaka ka 2016, uhulumende weZimbabwe wafaka umthetho ovimba ukungena kwempahla enengi evela phandle kwelizwe esithi le yindlela yokuvikela amafekithali ekhaya, ngoba elamandla okusuthisa uzulu, kungelasidingo sokuthi eyinye yalezimpahla ivele phandle.

Inyathelo elokubuyisela isinqumo sika 2016 emuva, sitsho ukuthi abeZimbabwe abaseBotswana balakho ukuqala ukuthumela impahla ebingasavunyelwa ukungena elizweni ivela ngaphandle.

UNkosikazi Emily Dube osebenza eGaborone uthi leli lithuba elihle elokuthi bethumele impahla ekhaya.

UMnumzana Nkazimulo Dube uthi ngaphandle kokunceda ukuthi kuthunyelwe impahla ekhaya, kuzabalula ukuthi abasekhaya labo benelise ukungena emadolobheni aseduze leFrancistown ukuyazi.

UNkosazana Sithembile Ndlovu uthi kumele uhulumende akhweze isilinganiso semali yemphahla ayivumelayo ukuthi umuntu ngamuntu angene layo elizweni, itax rebate.

please wait

No media source currently available

0:00 0:02:04 0:00

Facebook Forum

XS
SM
MD
LG