amalinks wokungena

Breaking News

Inengi Lizidla Ingqondo Ngokuthi Ngubani Ozanqoba Kukhetho Njengoba Zindala Zombili


UMnu Nelson Chamisa loMongameli Emmerson Mnangagwa

Abasekeli bebandla leZANU PF bathi umongameli Emmerson Mnangagwa nguye ongaletha inguquko elizweni, kukanti abasekeli beMDC Alliance bafuna UMnu. Nelson Chamisa anqobe, ngesizatho esifanayo.

Ngesikhathi sokusele amalanga ambalwa ukuthi kuqhutshwe ukhetho elizweni, abasekeli bebandla leZANU PF bathi bathemba ukuthi umongameli Emmerson Mnangagwa nguye ozanqoba kulolukhetho ngoba elosekelo olunengi njalo engaletha inguquko elizweni, kukanti abasekeli bakamkhokheli weMDC Alliance UMnu. Nelson Chamisa bathi nguye olungele ukubusa ngezizatho ezifanayo.

Uphenyo olwenziwa zinhlanganiso ezitshiyeneyo luveza ukuthi ababili laba yibo abakhokhelayo kukhetho lokudinga umongameli, njalo okwamanje baphose babe ngutshiki lobhanqa kulumncintiswano.

Ukuhlaziya loludaba, sixoxe loMnu Edwin Ndlovu, isiphathamandla somanyano we MDC Alliance,ekubandla lePeople's Democratic Party elikhokhelwa nguMnu. Tendai Biti, endawonye loAlderman David Ndlovu, isiphathamandla sebandla leZANU PF, abasinika izizatho zalokhu. UAlderman Ndlovu nguye osungula lingxoxo.

please wait

No media source currently available

0:00 0:07:35 0:00

Kusenjalo umkhokheli wequla lamagqwetha amela umanyano we MDC Alliance uMnu. Thabani Mpofu uthi sebecande indlela ezalandelwa ukulondoloza impumela yokhetho emqotho umkhokheli walumanyano uMnu. Nelson Chamisa enganqoba kukhetho ngoMvulo zayo.

please wait
Embed

No media source currently available

0:00 0:02:22 0:00

Ngakwelinye icele, izizalwane zeZimbabwe ezihlala kweleBhilithane zithi izithembiso zamabandla ezombusazwe kuma manifesto zimumethe okubajabulisayo kodwa bakujwayele ukuthi amabandla la ahlezi ethembisa okunengi ngesikhathi sokhetho, angasoze akufeze.

please wait

No media source currently available

0:00 0:02:22 0:00

Sixoxa loNkosazana Sehliselo Ndebele okhankasela ukumela iBulawayo Central edale lephalamende ekubandla leMthwakazi Republic Party.

please wait

No media source currently available

0:00 0:02:34 0:00

Facebook Forum

XS
SM
MD
LG