amalinks wokungena

Breaking News

Ingaba Ngumthetho iPVO Bill Kuzaba Nzima Ukusebenza Kutsho Abenhlanganiso Zezinkonzo


Zimbabwe Heads of Christian Denominations
Zimbabwe Heads of Christian Denominations

Inkokheli yabezinkonzo zesiKristu, ezibumba umanyano owe Zimbabwe Heads of Christian Denominations, bathi bakhathezekile ngokunye kokumunyethwe ngumthetho osahlaziywa wokulawula ukusebenza kwenhlanganiso ezizimeleyo, wePrivate Voluntary Organizations Amendment (PVO) Bill besithi ingaphasiswa ukuba ngumthetho kuzaphambanisa umsebenzi wabo ikakhulu kwezempilakahle, ezemfundo labasebenza bephansi kwama-Trusts.

Encwadini elotshwe yasayinwa yinkokheli yenhlanganiso ezingamalunga eZHOCD, ebunjwa ngabeEvangelical Fellowship of Zimbabwe, Zimbabwe Catholic Bishops’ Conference, Zimbabwe Council of Churches leUnion for Development of Apostolic and Zionist Churches in Zimbabwe bathi bakhathazwa yikuthi lumthetho, uzophazamisa imisebenzi eqondane lokusiza abaswelayo njengoba abanye balabo ababatholisa usizo lwemali, bengabakwamanye amazwe.

Umnumzana Effie Dlela Ncube, owenhlanganiso ebona ngezamalungelo abathengi eye National Consumer Rights Association – NACORA uthi uyazwisisa inkinga ezilakho ukubhekana labalezi nhlanganiso.

“Lokho okutshiwo ngabamabandla ezokholo, kuliqiniso ukuthi lanxa kudingeka umthetho ozavimbela ukuthi kungabi leMoney Laundering, ukuthwalwa kwezimali ezintshontshiweyo zisuka kwelinye ilizwe ziye kwelinye kumbe kuncediswe abantu abagangileyo, kakufanelanga ukuthi lowomthetho uvimbele ukusebenza kwenhlanganiso ezizimeleyo lamabandla ezokholo. Ngokuba kokubili lokho kuyancedisa kakhulu empilweni yabantu, kuletha intuthuko elizweni, kwakha izikolo, kwakha izibhedlela, kuncedisa impilo yabantu ukuthu nxa ungasusa amabandla ezokholo, ususe lenhlanganiso ezizimeleyo, intuthuko ngeke ibe khona elizweni. Kodwa lomthetho ungaba ngumthetho uzakuvimbela konke lokho, ngokuba kazisoze zikwazi ukusebenza lezonhlanganiso. Ngokunjalo, intuthuko lenhlalakahle, kayisoze ibe khona ebantwini.”

Okusekelwe ngumnumzana Collins Ncube waseHarare.

“Ngivumelana labamabandla kakhulu ngoba i-PVO ACT ngokwabo incindezela i-Sector esingathi khona ngama Non-Governmental Organisation, zibalisela lama-Church abaphilisa abantu abanengi. Abantu abanengi basebenza kuma NGO wona lawa, abanye basebenza ema-Church khonapha emabandleni, bethola ama-donations from outside the country, kutsho ukuthi kuzakuba nzima kakhulu ngoba abantu abanengi sebezaswela imisebenzi.”

U-Ncube ulandisa njalo ngezinye zengozi uhulumende alakho ukubhekana lazo angazinanzeleliyo okwamanje egijimisa ukukhangela ukulwisana labenhlanganiso azithi zisebenzisana labamabandla ezombusazwe aphikisayo, emizameni langenjongo yokumkhupha esihlalweni.

“Ama-facilities amanengi, kade sincediswa ngama-international organisations, kungaba kuHealth kungaba kuEducation, kuzamiswa konke khonalokhu, kuzaba lobunzima kakhulu ngoba uhulumende wethu, akala esithi yi-capacity ukuthi asebenze eyedwa, encedisa abantu beZimbabwe. So, kuzaba lobunzima kakhulu nxa kuyikuthi yonale i-PVO Act, izaba semthethweni njalo kuzaba nzima ukuthi lalabo abafisa ukuncedisa izizalwane zeZimbabwe ngendlela ezitshiyeneyo, baphathiswe.”

Mhla ka 31 Ngcwabakazi 2021, abequla labaphathintambo lavumelana ukubunjwa kwaleli Bill le Private Voluntary Organisations, 2021 elijonge ukuthatha indawo yomthetho owawuvele ukhona owe Private Voluntary Organisation Act ( Chapter 17:05 ), lethulwa ku Zimbabwe Government Notices Gazette ( Gazetted ) mhla ka 5 Lwezi nyakenye.

Udaba lwabezinkonzo bekhala ngePVO Bill siluphiwa nguMavis Gama
please wait

No media source currently available

0:00 0:03:23 0:00
XS
SM
MD
LG