amalinks wokungena

Breaking News

Ingayithatha Na Inkezo yePSL iChicken Inn?


Chicken Inn Football Club

Iqembu leChicken Inn selikhokhela ngemiklomelo emibili kungalane yePremier Soccer League ngemva kokuba ngutshiki lobhanqa 1-1 leWhawha ngempelasonto.

Kuzinga lesibili kuleqembu leFC Platinum, lona elinqobe litshaye iCity nge2 ka nya. Leliqembu lilemiklomelo engamatshumi amahlanu lambili.

Iqembu leDynamos likuzinga lesithathu njalo lilemiklomelo engamatshumi amane lasitshiyagalombili. Lona libe ngutshiki lobhanqa 1-1 leCAPS United.

Kumidlalo yalo emithathu elisele layo iqembu leChicken Inn lizadlala leqembu leTsholotsho, lidlale njalo leHarare City, beselicina leFlame Lily.

Iqembu leFC Platinum lona lizadlala leleFlame Lily, libuye lidlale leCAPS United, kuthi emdlalweni walo wokucina lizabhuqana leDongo Sawmills.

IDynamos yona izadlala leDongo Sawmills, ibuye idlale leChapungu, ibisigqiba imidlalo yayo ngokubhuqana leBuffaloes.

Kusenjalo, iqembu leHighlanders likhuphuke layahlala kundawo yethoba munwe munye kungalaneni yemiklomelo ngemva kokunqoba iBuffaloes eBabourfields.

Ngaphansi kwengalane iqembu leTsholotsho lithuthukise amathuba alo okusinda ekugunyulweni kuLeague ngokunqoba iqembu leHwange nge 1-0.

Emidlalweni yeEnglish Premier Soccer League iqembu leManchester City lalele phezu kwengalane lanxa nje libe ngutshiki lobhanqa 0-0 leAston Villa.

Kuzinga lesibili kuleArsenal, yona ebe ngutshiki lobhanqa 1-1 leTottenham.

please wait

No media source currently available

0:00 0:01:38 0:00
Lapho esitholakala khona
XS
SM
MD
LG