amalinks wokungena

Breaking News

Abantu Babheke Ngokukhathazeka Ingxabanxoza Enzakala kuMDC-T


MDC-T

Uzulu usele ethuke okwamagama njalo ekhathazakile ngokulwisana langokufuthelana lokhu ukuba kulakho ukudiliza umanyano oweMDC Alliance eyiyo yodwa indlela engasusa ibandla leZANU PF embusweni.

IMDC Alliance iqoqela amabandla aphikisayo abalisa ele MDC-T, ele MDC ekhokhelelwa ngu Mnu Welshman Ncube, ele PDP ekhokhelelwa ngu Mnu Tendai Biti, ele Zimbabwe People First, ele Transform Zimbabwe kanye lele Multi- Christian Democratic Party.

MDC-T
MDC-T

Kodwa sokuqhamuke ukungazwisisani kulomanyano ngokungabi khona kuka Mnu Morgan Tsvangirai elizweni yena osekwelatshweni umkhuhlane wemfukuzane kwele South Africa.

Leli bandla libikwa selidabukane phakathi kulamacele amabili akhokhelwa ngabasekeli bakamkhokheli webandla uMnu. Morgan Tsvangirai abathi uMnu Nelson Chamisa loMnu Elias Mudzuri.

Osakhulayo oyisakhamuzi seHarare, uMnu. Webster Mzila uthi umanyano owe MDC Alliance kumele ulungisise ukulwisana lokhu isikhathi sisese khona ngoba ukhetho solusondele bengadliwa libalele baqale ngokukhala bethi baqiliwe bona beziwonele.

Abasekeli beMDC-T
Abasekeli beMDC-T

Omunye njalo osakhulayo wase Harare, uMnu. Marshall Bwanya uthi ukulwisana lokhu kuzabehlisela amavoti kukhetho oluzayo njengoba sebedlalisa isikhathi besilwa kodwa besazi ukuthi iZANU PF abamelana layo kukhetho yona ayisela kulwisana isiqoqana.

Umongameli webandla eliphikisayo le Zimbabwe Democratic Change (ZDC), uMnu. Josphat Ushewokunze uthe ukulwisana kuMDC-T kutshengisa ukuba ibandla leli selize laphathwa ngamasela njalo yikho ukufa kwalo ngoba abantu bebelipha usekelo lwabo kodwa bona bezehlulekela.

Ingcitshi yezombusazwe uMnu, Mlungisi Dube uthe ukulwisana okukuMDC-T kungabangela ukubhidlika komanyano owe MDC Alliance njengoba bona sebetshonela ukulwela izikhundla bekhohlwa ukuthi iZANU PF isilungiselele ukhetho yaqeda.

Umongameli we MDC-T, uMnu. Tsvangirai uselamaviki esesibhedlela kweleSouth Africa osekwengeze ingxabangxoza ebandleni leli phakathi kwabalandeli baka Chamisa labaka Mudzuri.

Okwakhathesi uChamisa nguye okhokhela umanyano oweMDC Alliance emele uTsvangirai, uMudzuri laye ngakwelinye icele engosaphethe isikhundla sokhokhela iMDC-T emmele.

Omunye wabalandeli bakaTsvangirai, Unkosikazi Thokozani Khupe ubikwa laye ubefuna ukubangisa ukukhokhela kodwa abazi okwenzakalo kulelo bandla bathi usevume ukuncedisana losakhulayo uChamisa ukulwisana loMudzuri.

Inengi labasekeli beMDC-T bathi ibandla leli selibulawa ngabantu asebengenisa ubandlululo labanye abavele bezithandela amandla kodwa bengafunwa ngabantu.

Udaba lwengxabanxoza ekuMDC-T siluphiwa nguGibson Bhebhe
please wait

No media source currently available

0:00 0:04:49 0:00

Facebook Forum

XS
SM
MD
LG