amalinks wokungena

Breaking News

Ingcwethi Zihlaziya Ukunikwa Kwabezindaba Amalicence Amaphephandaba


Laloba ikhomisheni ebona ngokwethulwa kwezindaba eye Zimbabwe Media Commission isiphe imvumo yokusungulwa kwamaphephandaba azimeleyo ingcwethi kwezokwethulwa kwemibiko zithi amaphephandaba la azasebenza nzima ebotshwa yimithetho engakaguqulwa efana le AIPPA le POSA.

IZimbabwe Media Commission isiphe imvumo amaphephandaba amatsha amathathu ukuthi aqale ukudinda amaphephandaba, athi iNewsday, Daily Gazette lelinye elithiwa the Daily mail.

IDaily news le Daily news on Sunday lawo kuthiwe asengaqala ukusebenza. Elezisebenzi ze Zimbabwe Congress of Trade Unions elithiwa The Worker ebelidinda kanye ngenyanga. liphiwe imvumo yokudinda kanye ngeviki.

Umgcinisihlalo weZMC uMnumzana Godfrey Majonga uthi amaphephandaba aphiwe imvumo asengaqala umsebenzi kusukela ngeviki ezayo ngoMvulo .

Ukuhlaziya inyathelo leli, uBrenda Moyo weStudio 7 uxhume ingcwethi ecubungula ezombusazwe uMnumzana Walter Nsununguli Mbongolwane lomqondisi we Media Institute of Southern Africa uMnu Nhlanhla Ngwenya.

XS
SM
MD
LG