amalinks wokungena

Breaking News

'Ingxabangxoza yeMDC-T Izaphazamisa Umanyano'


Abasekeli bamabandla akumanyano weMDC Alliance bathi bakhathazekile kakhulu ngokulwisana okuqhubekayo kulumanyano lakubandla leMDC-T.

Bathi inkokheli yomanyano lo kumele ilungisise udaba lwabantu abazancintisa kulolukhetho nanku phela sokulokudlephana phakathi kwamalunga amabandla atshiyeneyo akulumanyano ebanga indawo zokuncintisa.

Umzekeliso osobala ngowesikhulumeli seMDC-T uMnu Obert Gutu yena othi uzancintisa edinga ukumela isigaba seHarare East edale lephalamende lanxa kuvunyelwene kuMDC Alliance ukuthi umkhokheli webandla lePDP uMnu Tendai Biti nguye ozancintisa kulesisigaba.

Okunye okuhlupha abasekeli beMDC Alliance yikulwisana okukhona phakathi kwabasekeli bakaMnu Morgan Tsvangirai, uMnu Nelson Chamisa loNkosazana Thokozani Khupe.

Inengi lithi nxa umanyano lo ungalungisisanga yonke linyakanyaka ngokuphangisa njalo ulungiselele ukhetho kusalesikhathi, uzanqotshwa kabuhlungu yiZanu PF.

Olwela amalungelo oluntu uMnu Difa Dube uthi okuhluphayo yikuthi kulokhethana ngemihlobo okukhona kubandla leMDC-T.

please wait
Embed

No media source currently available

0:00 0:02:06 0:00

Facebook Forum

XS
SM
MD
LG