amalinks wokungena

Nkosikazi Alice Gurajena: Akulula Ukuthola Umsebenzi Usugqibe Izifundo


Unkosikazi Alice Bere Gurajena

Kuliviki uPraxedes Jeremiah owe Studio 7 ube lethuba elihle lokuxoxa loNkosikazi Alice Bere Gurajena lapho ahlangane laye emhlanganweni omkhulu wamakholwa esiKrestu owe Christian Fellowship International-CFI, owenzelwe eNew Jersey emngceleni leNew York.

Unkosikazi Gurajena uqale ngokucasisa ukuthi wabuya elande ukuzofunda njengabanye eMelika.

Unkosikazi Alice Bere Gurajena.
Unkosikazi Alice Bere Gurajena.

Ngaqala ngenza izifundo eziphathelane lokudla okwakha umzimba kodwa ngathi sengigqibe izifundo umsebenzi wala ukuvuka. Ngacina sengicetshiswa ngabanye bathi yenza izifundo eziphathelane lezemitshina yangalezi nsuku eye IT, ngasengisenzake izifundo ezohlelo lwe OBEI, okulaphoke ngacina sengithola umsebenzi engilokhe ngisebenza khona lamanje”

Uqhubeke ethi laloba esegqibe izifundo akuzange kwaba lula ukuthi athole umsebenzi, kwamthathela iminyaka emithathu ukuze awuthole. Ngakhoke ukhuthaza abanye abeza kuleli lizwe ukuthi babekezele uNkulunkulu uzababusisa ngesikhathi esifaneleyo.

Unkosikazi Alice Bere Gurajena
Unkosikazi Alice Bere Gurajena

Kule ingxoxo uNkosikazi Gurajena ongumama osakhulayo elengane ezimbili ube ekubeka sobala ukuthi ngumuntu okholwa kakhulu kuNkulunkulu engakufihli ukuthi umthanda okunganani uSomandla ngoba wamenzela okukhulu empilweni yakhe ngemva kokufelwa nguyise elomnyaka ezelwe.

“Ngithanda ukukhuthaza labo abaphakathi obunzima ukuthi uNkulunkulu uyabathanda njalo kuzolunga ngelinye ilanga ngesikhathi sakhe esilungileyo ozakwenzela izimanga nxa ukholwa kuye”

Facebook Forum

XS
SM
MD
LG