amalinks wokungena

Breaking News

Abathenga Bethengisa Impahla Banikwa Okokuzivikela Kumkhuhlane weCOVID-19


Inhlanganiso yeZimbabwe Chamber of Informal Economy Associations isinike amalunga ayo okokuzivikela kumkhuhlane weCOVID-19.

Amalunga la anikwe okuthiwa yiPersonal Protective Equipment (PPE) ukuze bazivikela kumkhuhlane lo osululele abantu abayisithupha eZimbabwe.

Abathenga bethengisa impahla lokhu bengavunyelwa ukusebenza bekhululekile ngenxa yokuthi uhulumende usaqhuba uhlelo lokuvalela uzulu ezindlini olweCoronavirus lockdown esenzela ukuvimba ukumemetheka komkhuhlane lo osugulwe ngabantu abafika phose izigidi ezilitshumi emhlabeni wonke jikelele.

UNkosikazi Mary Maimbo, okhokhela inhlanganiso le eGwanda, uthi ikhansili ikujabulele kakhulu lokhu abakwenzayo.

“Yona njenge khansili sithe sihambile khona ngale siyitshela ngombono lowo lokuthi lathi sifuna ukuthi sibancedise njenge khansili, ikhansili ikhanye ithaba kakhulu ngombono wona lo owokuthi thina sibuya sizobadonethela izinto zonalezo. Ikhansili ibikhala ngokuthi ezinye izisebenzi zayo vele bezingasabuyi emsebenzini ngesizatho sokuba bebengayenelisanga ukuthi bathole izinto ezinjengama masks lama sanitisers wona lawo, ukuthi amanye amahofisi avule. So, into leyi ibathabise kakhulu eyokuthi sikhanye sesincedisa yona ikhansili njenge ZCIEA sincedisa lama vendor ethu.”

Banengi abathakazelela uhlelo lolu. Omunye wabo nguNkosikazi Lydia Maphosa, okhokhela inhlanganiso le ePlumtree.

“Abantu bamisiwe ukusebenza ngenxa yokuthi kukhangelelwa ukuthi thina ama informal workers singenza kumemetheke igciwane leCOVID-19. Kungakho-ke sibone kufanele ukuthi njengenhlanganiso, ama members athole lezi izinto ukwenzela ukuthi abayabe sebeqalisile ukusebenza basebenze ngendlela evumelekileyo belakho konke okufunwa nguhulumende. Ngitsho konke lama infra-red thermometres ngoba kumele umuntu athathwe i temperature ubusumsanitizer ungakamsizi. So konke lokho sibone ukuthi abantu abzisebenzayo bebehlezi kulezi insuku bengayi emsebenzini, bangathola lokhu kuyabasiza ukuthi banelise ukusebenza.

Ikhansili yeGwanda layo isithole usizo kuhlelo lolu. UTown Clerk walelidolabha, uNkosikazi Priscillar Nkala, uthi bayakuthakazelela lokhu.

“Siyasizakala kakhulu ngokudlelana labenhlanganiso yeZCIEA yona emela abaphila ngokuthengisa. Sanikwa usizo lwama sanitisers lama mask okuzasisiza ekuthini kuvinjwe ukusabalala kweCovid-19. Lakho ukuthi sesisanelisa ukukhulumisana labaphila ngokuthengisa laba sisenza lokho labenhlanganiso zabo, kwenza kube lula ukusebenza labo. Ngoba sizokwanelisa ukusebenzisa zonke indlela zokwengqabela ukusabalala kwemikhuhlane. Njalo akuseyi kuba lenkinga kwezokukhulumisana ngoba sokuzokuba lula lokho, sesizokhulumisana lenhlanganiso zabo.”

Loluhlelo abe ZCIEA bathi baluqhuba emadolobheni amakhulu, amancinyane kanye lemaphandleni ilizwe lonke. Lezi ngezigoqela eBeitbridge, Plumtree, Nkayi, Lupane, Tsholotsho, Gwanda, Gweru, Kwekwe, Kadoma, Chegutu, Norton, Caledonia, Chitungwiza, Harare, Chiredzi, Gokwe , Gokwe North, Zhombe, Chipinge, Mutare, Chimanimani, Hwange, Victoria Falls, Binga lezinye.

Facebook Forum

XS
SM
MD
LG