amalinks wokungena

Amalunga ekhomidi ebona ngezempilakahle edale lephalamende akhuthaza abenhlanganiso ezisebenzelana lozulu ukuba baqhube umsebenzi wokuba lilihlo elibona okuyikho hatshi ukukhekheleza indaba eziphathelane lokwephulwa kwelungelo libantu.

Lokhu kuphume emhlanganweni oqoqwe ngamagqwetha alwela amalungelo oluntu eye Zimbabwe Lawyers for Human Rights bemanyene labe Save the Children leTraining and Research Support Center (TARSC), wokubonisana phezu kwendlela ezingasetshenziswa ukukhankasela ukulungiswa komthetho we Public Health Act.

Lumhlangano wenziwe ngenjongo yokuphuma lendlela abenhlanganiso ezizimeleyo ezingasebenzelana lozulu lamamalunga edale lephalamende ukulolonga lumthetho.

Omunye walamalunga ekhomidi yezempilakahle emmela iBinga edale lephalamende, uMnu. Prince Dubeko Sibanda, uthe kumqoka ukuba lezinhlanganiso zitsho mgceke isimo esiselizweni hatshi ukukhekheleza ngoba zisesaba abezombusazwe.

Esekhuluma ngomthetho we Public Health Act, olokhe kukhulunywa ngawo kusukela ngesikhathi sikahulumende womanyano, uSibanda uthe ulethemba lokuba abogatsha lwezempilakahle bazokufeza abakuthembisa ikhomidi yezempilakahle, lapho umabhalani walo, ebizwe ukuzachasisa ngesimo seBill le.

Kuvunyelenwe kulomhlangano ukuba itshutshiswe lindaba yokuguqula umthetho we Public Health Act, wona osulesikhathi eside wabekwayo, ukwenzela ukuthi kuphathise ukuthuthukisa uhlangothi lwezempilakahle elizweni.

Facebook Forum

XS
SM
MD
LG