amalinks wokungena

Breaking News

Inhlanganiso Ezizimeleyo Zisola uMugabe Ngodaba Lwesisekelo


Inhlanganiso ezizimeleyo zithi azivumelani lombono kaMongameli Mugabe wokuthi uhlelo lokulotshwa kwesisekelo sombuso sokumele lususwe ezandleni zeCopac lufakwe ezandleni zabakhokheli bamabandla akuhulumende womanyano.

Inhlanganiso ezizimeleyo ezibalisa iZimbabwe Peace Project, iZimbabwe Election Support Network kanye leZimbabwe Lawyers for Human Rights zitshele intathelizindaba eHarare ngoLwesine ukuthi zifuna ukulotshwa kwesisekelo kuqhubeke kukhokhelwa yiCopac.

Zithi njalo umhlangano weSecond All-Stakeholders Conference oqale ngempelaviki edluleyo waphela ngoLwesibili awuqhutshwanga ngemfanelo.

Inhlanganiso lezi, zisebenza ziphansi komanyano weZimbabwe Independent Constitution Monitoring Project - zithi asikafiki isikhathi sokuthi uMugabe, uMnu Morgan Tsvangirai loMnu Welshman Ncube bangenele njengabakhokheli bamabandla akuhulumende womanyano.

Isiphathamandla seZimbabwe Peace Project, uNkosazana Jestina Mukoko utshele intathelizindaba ukuthi inhlanganiso yakhe ayivumelani lembono kaMugabe phezu kwaloludaba.
please wait

No media source currently available

0:00 0:00:47 0:00
Lapho esitholakala khona


Emhlanganweni weSecond-All Stakeholders Conference abammeli bamabandla ezombusazwe lenhlanganiso ezizimeleyo bahluze ugwalo lwesisekelo sombuso esitsha oluphele ukulotshwa kunyanga ezedluleyo bapha imbono yabo ngabafuna kwengezelelwe kumbe kususwe kusisekelo lesi.

ICopac sikhangelelwe ukuhlaziya imbono le kunsukwana ezilandelayo andubana iye ephalamende lesisekelo lesi. Abakhokheli bamabandla akuhulumende lephalamende bengasivuma, iCopac ithi izaqhuba ireferendum ngoZibandlela uzulu atsho ukuthi uyasamukela kumbe hatshi.

Ukuhlaziya loludaba iStudio 7 ixhume ingcwethi kwezombusazwe uMnu Effie Dlela Ncube ongumqondisi njalo wenhlanganiso yeMatabeleland Constitutional Reform Agenda, yena othi uMugabe kumele ekele iCopac iqhubeke ngomsebenzi wayo.
please wait

No media source currently available

0:00 0:02:00 0:00
Lapho esitholakala khona
XS
SM
MD
LG