amalinks wokungena

Breaking News

Inhlanganiso yeGrassroots Isebenzisa Inguqu Ukufundisa Ontanga Nge Aids


Abasakhulayo befundiswa

Inhlanganiso ezimeleyo ekhuthaza ukuhlonitshwa kwelungelo loluntu, iGrassroots, iphakathi kokufundisa abasakhulayo abedlula ikhulu mayelana ngezempilo kunye legcikwane lengculaza ngemizamo yokubahlomisa ngolwazi lwalumkhuhlane kanye lokubatholisa indawo ekhululekileyo yokuthi bahlolwe igcikwane lengculaza.

Inengi labasakhulayo liphakathi kobunzima bokubamba umkhuhlane wengculaza.

Abanye ngabazalwa belalo kodwa abazali kababazisanga. Kuthi abanye balithola ngokungazi ingozi yokuya emacansini bengazivikelanga.

Inhlanganiso yeGrassroots isebenzisa umdlalo wenguqu ekuhugeni lekufundiseni abasakhulayo ngomkhuhlane wengulamakhwa.

Linhlanganiso njalo iphakathi kokufundisa abasakhulayo eNjube Secondary School kunye leBulawayo Football for Hope Center.

UMqondisi weGrassroots eZimbabwe, uMnunzana Bhekimpilo Moyo uthi basebenzisa umdlalo wenguqu ukuhlomisa abasakhulayo ngezempilakahle.

UMoyo uthi lapho abakhona yindawo abayiphiwa yiFIFA ngakho sebeyisebenzisa ukuba ihlole igcikwane kwabasakhulayo ngoba ezibhedlela ezinkulu bayabandlululwa.

Osakhulayo uCleopatra Mbedzi omunye wabaphakathi kohlelo lolu uthi iGrassroots iyabasiza ukuba bazi isimo bo njalo banengi asebethe bafunda njalo bathola usizo eGrassroot.

UTamia Ncube uthi bafunda ukuzivikela kumikhuhlane ehlukeneyo njalo inengi labo lithethwe esikolo ukuba bazofunda baphinde badlulisele ulwazi kwabanye bakhe.

Unkosazana Amelia Mleso Chifoja obona ngokufundisa abasakhulayo eGrassroots uthi baphakathi kombuthano othiwa Holiday Day Camp lapho ababafundisa okwehlukeneyo okokubahlomisa empilweni.

Umnunzana Blessing Kondowe obona ngokuqhuba inhlelo zeGrass Roots uthi balabafundi abasuke eNjube, Lobengula Sikhulile leMganwini.

Amantombazana lamajaha aphakthi kokufunda okuzathatha iviki ngemva kwalokho bephiwe izicoco kubelabazafuna ukuhlolwa igazi baqhubeke njalo ngemfundo yempilo.

Inengi labasakhulayo lithwalanzima ukuyahlolwa igazi ezibhedlela ezikhulu. IGrassroots ithi sebelihawu labasakhulayo njalo kulula ukuthi abasakhulayo baze kibo bazohlolwa ngoba indawo yabo ilungiselwe abasakhulayo.

please wait

No media source currently available

0:00 0:03:12 0:00

Facebook Forum

XS
SM
MD
LG