amalinks wokungena

Breaking News

Inhlanganiso Yezizalwane zeZimbabwe Kwele Bhiltane Iphathisa Abantwana be Nyamandlovu


Isikotsho

Izizalwane zeZimbabwe esezihlala eBhilithane zabumba inhlanganiso ephathisa abaswelayo ekhaya, eye Inspire Women, Men & Children Charity. Linhlanganiso isenelise ukuphathisa ngokugebha isikotsho kwesinye sezikolo zeMguza, eNyamandlovu esicitshe savalwa ngokuswelakala kwamanzi.

Esinye sezikolo ebesesivalwa yiMaraposa Primary School eMguza, konke lokhu kubangelwa yikuswelakala kwamanzi okwenze ukuthi linhlanganiso isukumele phezulu iyephathisa ngokwemba umgodi wamanzi.

“Salibonani bomama labobaba ibizo lami ngingu Patience Ndebele Omije.Ngiyi founder ye Inspire Women Man and Children eye Charity eUK eZimbabwe iyi Trust.Sisebenza eMguza ku ward 17 eMaraposa laseBulawayo.Sisebenza lezakhamuzi ukuthi sizincede ukuthi ziphume ekudubekeni,sibancede ngamanzi lokuthi abantwana bahambe esikolo lokuthi labo beqalisuyenza amabhizimusi abo,” KUTSHO uNdebele.

UNkosazana Patience Ndebele uqhubeka echasisa ngeminye yemisebenzi abayenzayo kulesisigaba

“EMaraposa Primary school iproject esiyiynzayo yikuthi sibhadalela abantwana amantwana ischool fees sibanikipordge ekuseni kwamanyamalanga iporidge loneli ngelokuqala lokucina ukudla,sibayenzele istshwala emini ukuthi bedle sesabayenzela ingadi ngoba sokulamanzi,sabaqalisela amabhizimusi esikolo,amabhimusi okugcina ingalikhuni lenkukhu.Saze sabagebhela umgodi kuthi amazana abantwana abangankazana bebuye esikolo ngoba kudala babeqediskhathi behamba besiyathatha amanzi bengafundi so isikolo khathesi ngokuba lamanzi okunatha sebeqalise ukuyenza amabhizimusi ukuhlanyele ngadini ukulima,” kutsho uNdebele.

Ukwenza imisebenzi yonke le kubiza imali ethile, uNkosazana Ndebele uchasisa indlela ababuthaisa ngazo limali.

“Imali yokuphatha limsebenzi siyithola kumadonors ethu Hope Church NewHam lamanye amadonors avela e Amelikha abavela eUK labo Canada,sithole futhi imali kuFacebook from abantu abafunukusiphathisa ,ukusinceda,” kutsho uNdebele.

Kukhanya isigaba sonke seMguza izikolo zemfundo yaphansi zilokunengi ezikuswelayo njalo inengi likhangelele usizo oluvela kulinhlanganiso kukanti uzulu olenhliziyo yokupha ukhuthazwa ukuthi ancede

“Umlayezelo engilawo kuzulu,sithi sicelani uncedo sicela lisiphathise lisincedise ukuthi sincede abantu be Maraposa sincede abantu be Maraposa Primary School,abantu be Semkelani Primary school lezakhamuzi ze Marposa.Umsebenzi lo asingeke siwukwanise sisodwa siyabonga lakusasa lingadinwa,” kutsho uNdebele

Abazali labantwana baseMaraposa Primary School eMguza bajabule kakhulu ngokwembiwa komgodi wamanzi okunatha. Lokhu kusitsho ukuthi isikolo lesi ngeke sisavalwa, imfundo iya phambili kulindawo ngenxa yosizo lwe Inspire Women, Men & Children Charity yaseNgilandi.

please wait

No media source currently available

0:00 0:02:49 0:00

Facebook Forum

XS
SM
MD
LG