amalinks wokungena

Inhlelo Zabesifazane Zithuthuka Okumangalisayo

  • Mavis Gama

Izakhamizi zeMguza eziyenza inhlelo ezitshiyeneyo

Benza izimanga abesifazane besiqintini seMguza esabelweni seMatabeleland North abakuhlelo lweSelf-Help Group olwasungulwa ngomnyaka ka2014.

Uhlelo lolu luphathiswa zinhlanganiso ezigoqela eye Child-In-Christ kanye le OXFAM.

Abesifazane laba abangamaqembu amathathu basendaweni ebizwa ngokuthi yiARDA Balu Estate, eMguza.

Baqhuba inhlelo zokutshayelana imali, abayikweledayo bona ukuqhuba amabhizimusi amancane njalo sebelempahla yabo asebayithenga ngalimali selokhe baqala ukukwenza ngomnyaka ka2014.

Bakhona asebathenga imbuzi abanye bakha imizi yabo emihle kanye lezambuzi, ngenzuzo evelela kuloluhlelo.

UNkosazana Thulekile Gwebu, oleminyaka engamatshumi amane yokuzalwa, ulilunga leqembu elibizwa ngokuthi yiSibambene.

UMaGwebu waba ngomunye wabathathela phezulu ukungena kuloluhlelo ngesikhathi luqalisa, wenelisa ukusungula okulivinkili kwakhe ngenzunzo yesikhwama semali abatshayelana yona.

Uthe usengohlala ejabulile, ngoba selunganeno udubo lwakhe kulakuqala engakangabi lilunga le Sibambene.

UNkosikazi Sylivia Moyo wase Makwati kuVillage 4, yisiphathamandla seqembu elithiwa Kwayedza, ebona ngezokuqoqwa kwenhlelo, uCommunity Facilitator ku-Ward 8.

Waluthakazelela uhlelo lokutshayelana imali lolu esebona sOkumphathisa.

Unkosikazi Sibongile Mbanje, ngobona unhlelo uProject Officer enhlanganisweni ye HOCIC, esebenzelana labe OXFAM.

Abe HOCIC bathi asengamatshumi amabili lantathu amaqembu aloluhlobo asebawasungula eMguza, linye ngalinye lisiba lamalunga asukela kutshumi lasithupha kusiya kwangamatshumi amabili.

Ndawonye, abe HOCIC bathi basebenza lamaqembu abesifazane angamatshumi amathathu lanhlanu.

XS
SM
MD
LG