amalinks wokungena

Breaking News

Inhloko Kahulumende Ithi Umumo weZimbabwe Sulungele Osomabhizimusi Bemazweni


Inhloko kahulumende ye Zimbabwe uMnu. Morgan Tsvangirai wethule umbiko eJohannesburg emhlanganweni wezomnotho obuphezu kwelakusasa le Zimbabwe wakhuthaza abafuna ukusungula amabhizimusi ukuthi beze kulelolizwe ukuzevula amabhizimusi. Lumhlangano wenziwe ngolweSine.

Intathelizindaba yethu uBenedict Nnhlapho ubika ukuthi uTsvangirai uthe uhulumende wakhe wenza konke akwenelisayo ukuba umumo welizweni jikelele ulungele ukuqhutshwa kwamabhizimusi ngabakwamanye amazwe.

Kusenjalo, intathelizindaba ye Studio 7 uMark Peter Ntambe ubika ukuthi umsekeli kamongameli welizwe uMnu. John Landa Nkomo uthi umumo okhona elizweni okwamanje kwezamabhizimusi kanye lokuthula kukhomba ukuthi ele Zimbabwe lizimisele ukwamukela ukusungulwa kwamabhizimusi avela kwamanye amazwe.

Ingcwethi kwezenotho zithi loba inhloko kahulumende uMnu. Tsvangirai kanye lomsekeli kamongameli uMnu. Nkomo besithi uhlelo lwe indigenization kalutsho ukuthi osomabhizimusi bazathathelwa amankampani ngodlakela, ele Zimbabwe kalihloniphi imthetho ekhangelane lamalungelo okuba lempahla iproperty rights.

Ingcwethi lezi ziphinde zathi kumele iZimbabwe ihloniphe amalungelo olunto njalo lezivumelwano eyazenza lamanye amazwe kwezamabhizimusi ukwenzela ukuthi ikhange amankampani emazweni ukuthi avule amabhizimusi eZimbabwe.

Eyinye yengcwethi lezi uMnu. Bekithemba Mhlanga utshele uGibbs Dube we Studio 7 ukuthi amanye amankampani emazweni alakho ukulalela inkuthazo kaTsvangirai okungenza ukuthi avule amafekithali eZimbabwe.

XS
SM
MD
LG