amalinks wokungena

Breaking News

Inhloko Kahulumende Yakwele Kenya, uMnu. Raila Odinga Uvula Umhlangano WeMDC-T


Kenya's PM Raila Odinga (File)

Inhloko kahulumende yakwele Kenya uMnumzana Raila Odinga uthi ubudlelwano obuhle phakathi kwamabandla atshiyeneyo ezwekazi le Africa yiyo yodwa indlela ezakwenza banqobe amabandla asedlise abantu imbuya ngoluthi. UOdinga wethule lamazwi ngolweSihlanu emhlanganweni omkhulu webandla leMDC elikhokhelwa nguMnu. Morgan Tsvangirai koBulawayo. Kubika uNothando Sibanda intathelizindaba yethu yeStudio 7.

Kunjalo nje, lelibandla ngolweSihlanu libe selenze ukhetho lokudinga abazakhokhela uhlangothi lwabesifazane lolwabasakhulayo.

UNkosikazi Theresa Makone nguye okhethwe ukuba ngumgcinisihlalo wohlangothi lwabesifazane kuthi uNkosazana Erna Chitsa wakhethwa ukuba ngumsekeli wakhe. Uhlangothi lwabasakhulayo lona seluzakhokhelwa nguMnu. Solomon Madzore esekelwa nguMnu. Costa Machingauta unobhala kukhethwe uMnu. Promise Mkhwananzi.

Ingcwethi ecubungula ezombusazwe, uMnu. Effie Dlela Ncube utshele iStudio 7 ukuthi uzulu weZimbabwe jikelele ukhangelele lumhlangano ukuthi uzaphuma lamacebo okuhlenga ilizwe na.

XS
SM
MD
LG