Inani lasebefunyenwe beleCovid 19, eZimbabwe, selikunkulungwane ezedlula eziyisithupha-6,196, labulala abedlula ikhulu lengxenye-166, kwasinda abazinkulungwane phose ezinhlanu-4,961.
Izakhamizi zakoBulawayo zithi zikhathazekile ngokuqansa kwenani labatholakala beleCovid 19 kanye lesiphatho sabaphenduka ekhaya abavalelwe endaweni ezehlukeneyo kumaquarantine centers.
Olwela amalungelo oluntu uMnu. Patson Dzamara kasekho. UDzamara wehlulwe ngumkhuhlane wemvukuzane. Abanengi badane kakhulu ukuba ubhubhe lokhe engakabikwazi ukuba kuyini okwenzakala kumfowabo uItai Dzamara.
I-Consulate yeZimbabwe kweleSouth Africa isivuliwe njalo ikhuthaza abafuna usizo ukuthi bangabonakali sebethe thutshu kodwa baqale babhalise ebulenjini beinternet ukuze baphiwe ilanga lokuzothola usizo lwengwalo ezitshiyeneyo.
Umhlangano webandla elibusayo kweleMelika elamaRepublicans oqale ngoMvulo uqhubekela phambili namhlanje ungena kulanga lesithathu. Izolo kwabakhulume kulumhlangano bagoqela umkamongameli uNkosikazi Mellania Trump, unobhala obona ngobudlelwano beMelika lamanye amazwe uSecretary of State Mike Pompeo, eyinye njalo indodana yakhe uEric Trump labanye.
Ku Livetalk namhlanje kuhlelo “Diaspora Forum” sikhangela umonakalo osudalwe yikuqhamuka kweCovid 19 kanye lomhlangano webandla elibusayo eMelika elamaRepublicans.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318…
Abafisa ukulalalela kumsakazo we Studio7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.