amalinks wokungena

********** UPastor Evan Mawarire obotshwe ngoLwesithathu owetheswa icala lokuzama ukususa uhulumende weZimbabwe embusweni okungekho emthethweni uhanjiswa emthethwandaba.

********** Ibhanga elikhulu lelizwe eleReserve Bank of Zimbabwe selethule eyinye njalo imali yohlobo lwama bond notes.

********** Sizabe sixoxa losakhulayo uButholwezwe Nyathi okade eseMelika ekhankasela okuphathelane labasakhulayo njalo lezentuthuko.

********** Kwezemidlalo … Yiliphi iqembu elizanqoba emdlalweni oqakathekileyo owe Africa Cup of Nations finals kwele Gabon? Bakhona yini abathi ngele Egypt kumbe iCameroon?

********** Iqembu le Highlanders likhangelelwe ukuyazilolonga ePolokwane kwele South Africa kusukela ngeSonto lilungiselela imidlalo yalonyaka yePremier Soccer League.

********** Kuhlelo lezemiculo olwe Woza Friday sileqembu labo maskandi elibizwa ngokuthi Amafikamahle. Thiyani indlebe lizizwele.

********** KuLivetalk lamuhla sihlolisisa ukubotshwa kuka Mfundisi Evan Mawarire owenhlanganiso ye #ThisFlag owetheswa icala lokuthi wayefuna ukususa uhulumende weZimbabwe embusweni okungelamvumo. Omunye njalo umfundisi, uPatrick Mugadza, wabotshelwa ukuthi wathi uMongameli Robert Mugabe uzakufa lonyaka. Lithini ngalokhu zulukandaba? Thumelani imilayezelo yenu ku WhatsApp kunombolo yethu ethi 001 202 465 0318 kumbe enkundleni yebulenjini yokuzilibazisa kukhasi lethu ele VOA Ndebele.

Lingakhuthwa yilezindaba lezinye kuStudio 7 ngo half past 7 ntambama kumagagasi athi 909 am, 4930, 6065, 15460 laku 13860 kilohertz kuShortwave. Lingakhohlwa ukuthi sikuWhats’app lakuFacebook ku VOA Ndebele.

Facebook Forum

XS
SM
MD
LG