amalinks wokungena

Ndebele headlines Mabasa 17, 2017

Endabeni zethu lamhlanje ……………..

********** UMnu. Lazarus Dokora, umphathintambo kahulumende weZimbabwe obona ngezemfundo, uthi abazali balakho ukubhadala imali yemfundo yabantwana besikolo besebenzisa izifuyo ezinjenge mbuzi.

********** Ikhomishini yeZimbabwe Electoral Commission ithi isizaqalisa ukuhlolisisa ukusebenza kwemitshina yokubhalisa kugwalo lokuvota eye Biometric Voter Registration.

********** Uhulumende weBotswana uthi kumele uzulu aqaphele izizalwane zeZimbabwe ezingena kulelolizwe ezilakho ukuba lomkhuhlane wesihudo.

********** Izakhamizi zeyinye indawo eMasvingo zithi uhulumende sowakhohlwa ngazo njengoba zingela lutho olutshengisa ukuthi ilizwe leZimbabwe selizibuse okweminyaka eminengi.

********** Kuhlelo Zimbabwe Today – Asixoxeni: Sikhangele udaba lukazibuse kwele Zimbabwe lapho uzulu ahlaba khona umkhosi ngokuswela okunengi akufunayo.

********** Umphathintambo wezempilakahle eZimbabwe uvula indawo yokwelaphela umkhuhlane wemvukuzane eMpilo Hospital.

********** KuLivetalk lamuhla sixoxa ngokwethulwe nguMnu. Lazarus Dokora othi abazali balakho ukubhadala imali yemfundo yabantwana besebenzisa izifuyo ezinjenge mbuzi. Thumelani imilayezelo yenu ku WhatsApp kunombolo yethu ethi 001 202 465 0318 kumbe enkundleni yebulenjini yokuzilibazisa kukhasi lethu ele VOA Ndebele.

Lingakhuthwa yilezindaba lezinye kuStudio 7 ngo half past 7 ntambama kumagagasi athi 909 am, 4930, 6065, 15460 laku 13860 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.

Facebook Forum

XS
SM
MD
LG