amalinks wokungena

Breaking News

Inkokheli YamaKatolike Iloba Incwadi Eveza Ukuthazeka Kwayo Ngesimo EsiseZimbabwe


Zimbabwe Catholic Bishops
Zimbabwe Catholic Bishops

Inkokheli yenkonzo yeRoma ibika ukuba lokhu imelele impendulo evela kuMongameli Emmerson Mnangagwa encwadini eyalotshelwa uhulumende. Isithi njalo ayamukeli impendulo kampathintambo wezokwethulwa kwemibiko uNkosikazi Monica Mutsvangwa.

Amabhishopu ayisikhombisa ale inkonzo alobe incwadi iPastoral Letter beveza ukuba kabajabuliswa ngumumo oselizweni wokwephulwa kwelungelo loluntu, ukungamanga kuhle kwezomnotho welizwe kanye lokuhlukunyezwa kwalabo abalemibono ehlukile kulekahulumende.

Amabhishopu la, ngathi oFather Robert Ndlovu oweHarare, Alex Thomas wakoBulawayo, Paul Horan waseMutare, Michael Bhasera weMasvingo, Albert Serrano waseHwange, Rudolf Nyandoro oweGokwe loRaymond Mupandasekwa oweChinhoyi.

Kuleyo incwadi basekele umbono wabo ngamazwi akhulunywa ngumuyi uJohn Lewis, owayelwela ilungelo loluntu kweleMelika owathi lusese khona uhambo lusese lude ukuthi zifezeke izifiso zalabo abasungula umzabalazo wokuthi abensundu bathole inkululeko epheleleyo besithi β€œThe March is Still On.”

​
XS
SM
MD
LG