amalinks wokungena

Breaking News

Inkokheli YeMDC Alliance Ihlangana Labosomabhizimusi eJohannesburg


UMnu. Tendai Biti

Inkokheli zomanyano we MDC Alliance ngesSonto ntambama ziqhube umhlangano labosomabhizimusi beZimbabwe kweleSouth Africa, zibazisa lokho okuhloswe yilo umanyano nxa unganqoba ekhethweni oluzaqhutshwa enyangeni ezimbalwa ezizayo.

Ekhuluma labosomabhizimusi eRosebank edolobheni le Johannesburg, umkhokheli webandla le People’s Democratic Party (PDP) uMnu. Tendai Biti, uthe ibandla leZanu PF belilele okweminyaka yonke yokubusa kwalo yikho umnotho wabhazalala.

UBiti utshele osomabhizimusi laba ukuthi ibandlla lakhe linganqoba ekhethweni, uhulumende walo uzakwakha imigwaqo yesimanjemanje ethandeleleneyo, okuthiwa yi spaghetti ngesilungu, apheke amagetsi afika ku 6000 megawatt ngenyanga likwenze njalo ukuthi wonke umuntu athole i wifi-yokufinyelela ku internet mahala.

Ubuye wethula ukukhathazeka ngesikwelede selizwe wathi ibandla labo lizalwela ukuthi lesi sikwelede sesulwe hatshi lokhu okwenziwa nguhulumende ukufuna ukusibhadala ngemali ebolekiweyo.

Kutsho uBiti: “Nxa ususenkingeni enkulu yezikwelede usufana lesidakwa esingasenelisi ukuphila singadakwanga, ngoba ungavele uqale ukwenza izikwelede uzahlala ulokhu ukweleda. Lesi yiso isimo iZimbabwe ezithola iphakathi kwaso. Akuqondangake ukuthi usize umuntu ongasenelisi ukuphila engadakwanga ngokumvalela ebhawa egcwele utshwala phamu uthathe ikhiye uyilahlelele. Lolu luhlupho olubangelwa ngumnumnzana Chinamasa ngokuboleka imali esiyabhadala i World bank.”

Umnumnzana Biti uthi bafuna abaswelayo baphiwe imali yoncedo ikakhulu abagogekileyo. Bazakwenelisa njalo ukugcina imali zabathatha ipentsheni zivikelekile. Bafuna njalo imigwaqo lezezitimela kube ngokwakhathesi hatshi lezi ezakudala.

Uphinde wanxusa osomabhizimusi laba ukuthi bazimisele ukuzovula amabhizimusi abo elizweni ngoba konke abafuna ukukwenza ekuphuculeni ilizwe kuzabiza amadola angamabhiliyoni alitshumi lanhlanu okuyimali athi izaphuma enhlelweni zokusebenzelana kukahulumende lamababhizimusi azimeleyo.

Umbono walumanyano ngekusasa yeZimbabwe uthathekise abanengi abangenelo umhlangano lobanje abanye abagoqela umnumnzana Kwanele Moyo bebefuna ukwazi ukuthi kambe bengasungula amabhizimusi azabe ephephila na.

“Thina njengebusiness community into esiyifisayo yikuthi amapolicies elizwe engatshintshatshintshi. Ma kule consistence kupolicy it means investment yakho, okutshalileyo ku guaranteed,” kutsho uMoyo.

UMnu. Daniel Molokele, yena ofuna ukuyancintisa esikhundleni someli wedale lephalande kubandla leMDCT eHwange, uthe umanyano wabo ulazo zonke impendulo ezifunwa lilizwe leZimbabwe.

“Njenge MDC Alliance asiphombu ukukhuluma ngokuthi asilungise lokhu okwabulawa yiZanu pf kodwa njalo ngokuthi sakhe njani umnotho wesizwe sisiyaphambili ukwenzela ukuthi abantu babone inguquko ekhanyayo, whether yimigwaqo, whether yimisebenzi into ezinjalo okuqakathekileyo yikuthi impilo zabantu ziguquke ukuswelakala kwemali kuphele konke,” kutsho uMolokele.

Lumhlangano ungenwe ngabamabhizimusi abaphuma emikhakheni ehlukileyo. Abebandla le MDC Alliance bona bathi abathandabuzi ukuthi bazanqoba ekhethweni oluzayo yikho sebelungiselela abazakwenza.

please wait

No media source currently available

0:00 0:03:05 0:00

Facebook Forum

XS
SM
MD
LG