amalinks wokungena

Breaking News

Inkokheli Yezombusazwe Iqoqa Umhlangano Wokusola Udlakela


Inkokheli yamabandla akuhulumende womanyano ikhangelelwe ukuqhuba imihlangano endaweni ezitshiyeneyo zelizwe ngenyanga ezayo ikhuthaza uzulu ukuthi ahlalisane ngokuthula njalo angaze aphatheka emisebenzini yodlakela.

UMongameli Robert Mugabe uzabambana loMnu Welshman Ncube kanye loMnu Morgan Tsvangirai bekhuthaza uzulu ukuba etshiyane lodlakela njalo ehlalisane kungakhathalekile ukuthi uvela kuliphi ibandla.

Abathathu laba bake benza umhlangano ofanayo eHarare kunyanga ezedluleyo. Imihlangano ezayo le izakwandulela ukhetho uMongameli Mugabe athi kumele lwenziwe lonyaka.

Isiphathamandla seZanu PF uMnu Didymus Mutasa utshele iphephandaba leHerald ukuthi khona kuzabekwa amalanga limihlangano ezaqhutshwa ngawo.

Umsekeli wesikhulumeli seMDC kaTsvangiriai, uNkosazana Thabitha Khumalo uthi yinto enhle ukuthi amabandla onke abambane ekulwisaneni lodlakela. Kodwa uthe kaboni ibandla leZanu PF lizinikela kulokhu.

La ngamazwi agcizelelwe yingcwethi kwezombusazwe uMnu Nkululeko Sibanda, yena ofundisa ezepolitiki eUniversity of Huddersfield kweleBhilithani.

XS
SM
MD
LG