amalinks wokungena

Breaking News

Sokulenkulumo Phezu Kwesikwelede Esiphiwe iZimbabwe yiTrafigura


Isikwelede semali engena ku$1.1 billion esibikwa siphiwe iZimbabwe yinkampani yaseSingapore iTrafigura sesidale inkulumo.

Umphathintamo wezemali, uMnu Patrick Chinamasa, uveze ngeviki edluleyo ukuthi bazasebenzisa imali le ukubhadala izikwelede zelizwe enhlanganisweni ezifana leWorld Bank ukuze lenelise ukweboleka njalo enye imali.

Lanxa uMnu Chinamasa engayiqambanga ngegama linkampani, iphephandaba leThe Independent libike ukuthi isikwelede lesi sivele kunkampani yeTrafigura Group.

Kodwa iziphathamandla zenkampani le zilandulele iStudio 7 ukuthi kulemali eziyiphe eleZimbabwe.

“Sesiyizwile imbiko ephuma eZimbabwe ekhuluma ngokuthi siphe uhulumende walelolizwe imali. Imbiko le ayiqondanga, ingamanga,” kutsho inkampani le embikweni ewuthumele kuStudio 7.

Ingcwethi ehlaziya ezenotho, uMnu Masimba Kuchera, uthi uhulumende engaba ephule umthetho ngokubeleka imali engaka engazange acele imvumo edale lephalamende.

please wait

No media source currently available

0:00 0:02:08 0:00

Amazwei kaKuchera agcizelelwe lilunga ledale lephalamende, uMnu Abednico Bhebhe, yena othi akuncedi ukubhadala isikwelede ngesinye isikwelede.

please wait

No media source currently available

0:00 0:02:34 0:00

Facebook Forum

XS
SM
MD
LG