amalinks wokungena

Breaking News

Inkuthazo Ngosuku lweWorld Cancer Day: Hambani Liyehlolwa


Amazwe amanengi ananze ilanga leWorld Cancer Day ngeSonto odokotela bekhuthaza abantu ukuthi bahlolwe kubonakale ukuthi balawo yini umkhuhlane wemvukuzane kumbe hatshi.

Odokotela bathi ungabonakala usaqalisa lumkhuhlane, kulula ukuthi welatshwe. Kodwa bathi nxa usudlondlobele, kuba nzima kakhulu.

Umkhuhlane weCancer ulemikhakha etshiyeneyo ebulala abantu abedlula inkulungwane ezine eZimbabwe ngomnyaka.

Emhlabeni jikelele ubulala abantu abedlula izigidi eziyisitshiyagalolunye, kutsho inhlanganiso yeWorld Health Organization.

Umhlobo wemvukuzane ohlasela kakhulu abantu besilisa ngowamaphambili, iprostate cancer.

Abesifazana bahlaselwa kakhulu yimvukuzane yamabele, ibreast cancer kanye lebamba umlomo wesibeletho, icervix cancer.

Udokotela Joshua Sibanda ukhuthaze uzulu weZimbabwe ukuthi ehlale esiyahlolwa ukuze elatshwe kusasemasinyane nxa engatholakala elawo umkhuhlane wecancer.

please wait

No media source currently available

0:00 0:01:50 0:00

Facebook Forum

XS
SM
MD
LG