amalinks wokungena

Breaking News

Kukhankaselwa Ukunqabela Okuhlupha Amantombazana


Abammeli Abenhlanganiso eye Inotho Kubomama

Abenhlanganiso yezamabhizimusi abesifazana eye Inotho Kubomama lane Reach Out Organization sebesungule umkhankaso olesihloko esithi “My Period My Pride”.

Umkhankaso lo usungulwe mhlaka 4 Mbimbitho.

Amalunga enhlanganiso lezi ahamba ezitaladini koBulawayo Ed undisa izakhamizi ngokuqakatheka kokulwisana lodubo olwehlela abesifazana lokuswela izembatho lapho besesikhathini ama sanitary pads.

Kungxoxo ayenze lalumsakazo, uNkosikazi Chumile Jamela, omunye wabaqoqa lumkhankaso owe “My Period My Pride”, uthe umkhankaso lo ukhangelele ukufundisa abantu ngokuthwalisa nzima amantombazana ngesikhathi besemfuleni kumbe esikhathini.

Inhlanganiso eye Inotho Kubomama
Inhlanganiso eye Inotho Kubomama

Ekhasini labo lenkundleni yokuzilibazisa elebulenjini obe Facebook abenhlanganiso ye “Inotho Kubomama”, bayatsho ukuba elinye icele lalumkhankaso yikubonisa izakhamizi zako Bulawayo ukuqhakatheka kokulondolozwa kwelungelo labesifazane lokufinyelela lula izembatho zesikhathini ezama sanitary pads.

“Isikhathi ese period siyafika inyanga zonke, njalo kumele kube yilungelo labantwana abesifazana ukuthola ama sanitary pads.”

UNkosikazi Langalihle Sibanda, umkhokheli wenhlanganiso ye “Reach Out Organization”, ezobe ibambisana lenhlanganiso eye “Inotho Kubomama”, ucgizelela okutshiyo nguJamela esithi kuqakathekile ukukhuluma ngokuhlupha amantombazana.

Ukuthola ulwazi olujulileyo ngale ngenhlanganiso ye “Inotho Kubomama” batholakala kunombolo ezithi 071 849164 noma 0776 711 968.

Udaba Esilethulwe NguMike Hove
please wait

No media source currently available

0:00 0:03:25 0:00
Lapho esitholakala khona

Facebook Forum

XS
SM
MD
LG