amalinks wokungena

Breaking News

'Intathelizindaba Kazisebenze Zingesabi Umthetho weCriminal Defamation Act


Intahelizindaba zeZimbabwe phandle komthethwandaba weConstitutional Court ngemva kokwesulwa komthetho weCriminal Defamation Act

Kulandela ukwesulwa komthetho obubangela ukubotshwa kwentathelizindaba nxa zibhale kubi ngomuntu, oweCriminal Defamation, intathelizindaba zeZimbabwe kweleSouth Africa sezikhuthaze osowabo eZimbabwe ukuthi basebenzise leli thuba ukuloba izindaba kungela kwesaba njalo bengathathi hlangothi ukuze umsebenzi wabo uphinde njalo uhlonipheke.

NgoNhlolanja lonyaka umthethwandaba wesisekelo sombuso wesule umthetho lo emabhukwini emithetho yeZimbabwe usithi bekuvele kungumthetho ongekho emthethweni.

Selokhu uhulumende wethula imithetho evimbela ukwethulwa kwezindaba ngokukhululeka kusukela ngo 2000, ukwethulwa kwezindaba eZimbabwe kuqale ukubonakala sengathi intatheli sezisemaqenjini amabili, labo abasekela uhulumende lalabo abaphikisana laye.

Intathelizindaba zeZimbabwe kweleSouth Africa zithi ukwesulwa komthetho we Criminal Defamation lo, lithuba elihle lokuthi babuyisele isizotha lenhlonipho emsebenzini wabo. Intathelizindaba yeZimbabwe uMxolisi Ncube uthi ukwesulwa kwalo umthetho lithuba lokubhala izindaba njengoba zinjalo kungakhathalekile ukuthi ngubani okukhulunywa ngaye.

Ngingathi sekulenkululeko ethile kuntathelizindaba ngoba labo kabasezukubhala benyemukula ngemuva ukuthi kuzakwenzakalani. Mhlawumbe ngokufisa kwethu kusazophumelela ukuthi lale eminye imithetho iphume.

Le yinto evunywa ngenye intatheli uNdumiso Mlilo yena othi kuvele lihlazo ukuthi intatheli zibonakale ziyizikhothamathe zabantu loba inhlanganiso ezithile.

"Ngumkhuba omubi ukuthi intathelizindaba zibonakale sezibhala ngendlela ethatha uhlangothi. Kumele batshayinja bengafihli mpini njalo bengathathi hlangothi".

Kodwake uMxolisi uthi ukwesulwa kwemithethi enqabela ukusebenza ngokukhululeka kwentatheli akutsho ukuthi sekufuze ziqhulule amanga aluhlaza tshoko.

"Akumelanga ukuthi ngokuphuma kwalo umthetho sesiseqela phezulu sesibhala loba yini esiyifisayo, sisilwa izimpi okungafanelanga ukuthi sizilwe. Umsebenzi wethu thina ngowokubhala iqiniso awusiwo wokusola abantu ngezinto ezingekho".

Enye njalo intatheli uGift Mathe ukhuthaza ugatsha lwezokwethulwa kwemibiko ukuthi lusebenzise leli thuba ukwesula yonke imithetho evimba umsebenzi wezintatheli. Limithetho igoqela lowo obamba ngamandla intatheli ukuthi zithole icence lokusebenza kanye lokuhlawula amaqubaquba emali kwalabo abafuna ukuthapha izindaba bezimele.

"Ugatsha lwezemibiko kufuze luxhase intatheli lungabancindezeli. Kufanele lolugatsha luthele amanzi eminye imithetho encindezela abezindaba kungabangcono".

UNdumiso uthi njengoba ilizwe libheke ekhethweni ngo 2018, kawufe umkhuba wokuthi intatheli zitholakale sezibhala izindaba ezikhankasela ibandla loba abantu abathile.

"Intathelizindaba kufanele zibe kwazi ukuthi njengoba sizakuya ekhethweni luka 2018 kufanele bakhulume indaba njengoba zinjalo, hatshi ukubonakala kungathi ziyakhankasa zibonakale sezithatha uhlangothi. Kumele ukuthi bakhulume iqiniso. Uma iqiniso likhona bakhulume uma lingekho bakhulume khonalokho".

Kulentatheli ezinengi ezike zabotshwa ezinye zisebenza ngokwesaba ngenxa yokuthuselwa ngabasezikhundleni besebenzisa lumthetho osufile, njalo ochazwe nguthethwandaba njengo mthetho obuvele usebenza ufile.

please wait

No media source currently available

0:00 0:03:16 0:00
Lapho esitholakala khona

XS
SM
MD
LG