amalinks wokungena

Breaking News

Intatheli Ziwisa Ezimathonsi Ngemfa KaMnu Freedom Moyo


Intathelizindaba elodumo njalo ebisebenzela umsakazo weZBC, uMnu Freedom Moyo kasekho.

UMoyo ubhubhele eHarare ekuseni ngoLwesibili esibhedlela seWest End Clinic lapho alaliswe khona ngoMgqibelo ngemva kwengozi yemota emehleleyo.

Ubeseleminyaka engamatshumi amathathu lasikhombisa-37, njalo utshiye umkakhe labantwana abane.

UMoyo uzalelwe ePlumtree ngomnyaka ka1974 waqhuba izifundo zakhe waze wayangena kuZBC ngo1996 lapho asebenze khona gadalala wacina senguye okhokhela amahofisi eZBC ezabelweni zeMatabeleland North leSouth.

EHarare uhambe ngo2009 lapho afike wanikwa isikhundla esiphezulu.

Intathelizindaba ezitshiyeneyo kanye labezombusazwe bavalelise uMoyo ngoLwesibili ntambama eNyaradzo Funeral Parlour. Emveni kwalokho isidumbu sakhe sihanjiswe koBulawayo.

UMoyo uzabekwa Esigodini ngoLwesine. Umgcinisihlalo weMisa, uMnu Njabulo Ncube utshele lumsakazo ukuthi ilizwe lilahlekelwe yintatheli ebilohlonzi, okungamazwi agcizelelwe ngunobhala jikelele weZimbabwe Union of Journalists uMnu Foster Dongozi.

XS
SM
MD
LG