amalinks wokungena

Breaking News

Intathelizindaba Zikhuthaza Uhulumende Ukuvumela Imisakazo Ezimeleyo


Inhlanganiso ye Zimbabwe Media Commission iqalisile ukupha amaphephandaba amatsha lalawo ayengasaqhubi umsebenzi amaphepha atshengisa ukuthi asengaqalisa umsebenzi-amacertificate.

Inhlanganiso ye Zimbabwe Media Commission iqalisile ukupha amaphephandaba amatsha lalawo ayengasaqhubi umsebenzi amaphepha atshengisa ukuthi asengaqalisa umsebenzi-amacertificate ngolweSihlanu.

Amaphephandaba la agoqela i The Daily News, The Worker, i Newsday, i Daily Gazzette, le The Mail.

UMnu. Raphael Khumalo, isiphathamandla se Alpha Media Holdings, eyiyo ethula amaphephandaba e The Standard le Zimbabwe Independent, njalo isizakwethula ele Newsday, utshele uSithandekile Mhlanga we Studio 7 ukuthi i certificate yabo bayithole ngolweSihlanu ntambama.

Kusenjalo, umhlangano wentathelizindaba owenzelwe eHarare ngolweSihlanu uvumelene ukuthi laloba uhulumende esenike abamaphephandaba amalicence okuqala umsebenzi, osokusele yikuthi athukulule amagasi avumele ukuvulwa kwemisakazo emitsha.

Lo ubungumhlangano wabezindaba owenzelwe eRainbow towers eHarare. kukhulunywe indaba ezimbalwa eziphathelane lokwethulwa kwemibiko elizweni kanye lokunikwa amalicence okuqala ukudinda amaphephandaba kumankampani ambalwa, yiZimbabwe Media Commission.

UBrenda Moyo weStudio 7 ukhulume loNkosikazi Buhlebenkosi Moyo u Coordinator weMedia Alliance of Zimbabwe othi kusukela ngomnyaka ka 2008 lapho okwenziwe khona omunye umhlangano wentathelizindaba akulanguquko ebikhangelelwe, esithe yabakhona ekusebenzeni kwentathelizindaba elizweni.

XS
SM
MD
LG