amalinks wokungena

Breaking News

Intathelizindaba Zintshengisela Ngokufola Zizivale Umlomo


Intathelizindaba ezitshengisele ngoLwesihlanu enkambeni yamapholisa.

Lokhu zikwenze ngemva kokuhlukumezwa lokutshaywa kabuhlungu kwentatheli ezintathu ngoLwesine, ezibalisa u Obey Manayiti, uAbigail Matsikidze, othatha imifanekiso, u Sheperd Tozvireva kanye lobetshayela imota u Raphael Phiri.

Abane laba, bacine sebekhululwa ngemva kokumelwa liqgwetha, uMnu. Kuzivakwaswe Ngodza, wenhlanganiso yamagqwetha alwela ilungelo loluntu, eye Zimbabwe Lawyers for Human Rights – ZLHR.

Intathelizindaba uBlessed Mhlanga, osebenzela iphephanadaba le Newsday lokhangelelwe ukuba nguye ozokuba ngunobhala jikelele wenhlanganiso yentathelizindaba esanda kubunjwa, eye Young Journalists Association – YOJA, u Phillimon Jambaya, yibo abaphiwe umsebenzi wokuyakhulumisana lamapholisa.

UMhlanga ulandisa, okunye kwalokho okuxoxisanwe ngakho kulomhlangano lamapholisa enkambeni ye Harare Central Police Station.

Lumhlangano, ungenwe njalo ligqwetha lenhlanganiso elwela amalungelo oluntu, eye Media Institute Of Southern Africa – MISA Zimbabwe, umnumzana Farai Nhende.

Okhangelelwe ukuba ngumgcinisihlalo we YOJA, umnumzana Mlondolozi Ndlovu, ubekhona laye kulokhu kutshengisela.

UNdlovu uthi, osekukhangelelwe yintathelizindaba, yikubona ukuba kuzoba lenguquko na, kundlela amapholisa aziphatha ngayo lapho ebona intathelizindaba ziqhuba umsebenzi wazo.

Ekhulumisana lentathelzindaba, ngemva komhlangano labekade bekhethwe ukuba, bayemela intathelizindaba, u Inspector Ziburubudu, uthembise ukuba kuzamele kube lomhlangano, kuxoxisanwe ngokusebenza kwenhlangothi zombili, kubonisanwe lapho amaqembu womabili aphosisa khona.

Udaba lokutshengisela kwentathelizindaba siluphiwa nguMavis Gama
please wait

No media source currently available

0:00 0:04:11 0:00

Facebook Forum

XS
SM
MD
LG