amalinks wokungena

Banengi Abathakazelela Usuku Lwe International Women's Day


NgoLwesithathu bekulusuku oluqakathekileyo empilweni yabesifazana ngoba bekunanzwa imisebenzi abayenzayo olwe International Womens’ Day.

Usuku lolu belukhangela ukuphumelela kwabo emisebenzini eyehlukeneyo.

UNkosikazi Nomsa Muleya, owaziwayo ngabanengi abamsekelayo emsebenzini wakhe wokuhlekisa abantu ngegama elithi Ms Dee, utshele iStudio 7 ukuthi njengoba ngoLwesithathu kulusuku lokuthakazela imisebenzi yabesifazana, abesilisa labo badlala indima yokusekela abesifazana ukuze labo baphumelele.

uMiss Dee
uMiss Dee

​UMs Dee uphinde wathi uyaziqhenya ngokuba ngumuntu owesifazana wakuqala okumsebenzi wokuba ngumlingisi owenza ezokugumbaqumba uzulu koBulawayo.

UNkosikazi Chealsea Mguni, omunye wesifazane ophumelela okwamagama emsebenzini wakhe wokuba ngumculi, uthe abesifazana baqakathekile kakhulu empilweni.

UMguni uphinde wavumelana lombono kaNkosikazi Muleya, esithi abesilisa balendima yokusekela abesifazane ukuze baphumelele.

uChelsea Mguni, ongumhlabeli oweqembu ele Vocal Ex
uChelsea Mguni, ongumhlabeli oweqembu ele Vocal Ex

Umsakazo we Studio 7 ufisela bonke abesifazana usuku oluhle olulenjabulo olwe International Woman’s Day. Ukuze lani lisitshele imibono yenu mayelana ngokuqakatheka kwabesifazana siyalinxusa kuhlelo lwethu olwe The Women’s Round Table/Asiyihluzeni Bomama lapho elizabe lilo Marvellous Mhlanga lo Praxedes Jeremiah, ngoLwesine.

Facebook Forum

XS
SM
MD
LG