amalinks wokungena

Intsha YeMDC Izatshengisela Ngokuphuza Kwemali Yokuvuselela Amafekithali


Intsha yebandla le Movement for Democratic Change elikhokhelwa nguMnumzana Welshman Ncube ithi izangena ezitaladeni itshengisele njalo ihlasele ibhanga le CABS, ekupheleni kwenyanga nxa umphathintambo wogatsha lwezemali uMnu. Tendai Biti engalethanga imali yokuvuselela amankampani akoBulawayo eye Distressed and Marginilized Industries Fund.

Ekhuluma lentathelizindaba edolobheni leli ngoLwesine ntambama, unobhala wokwethulwa kwembiko kulelibandla koBulawayo, uMnu. Khumbulani Malinga uthe uBiti usetshiye intsha yakulelidolobho ingasibantu balutho ngenxa yokuswela imisebenzi.

UMalinga uthe bazimisele ukubiza intsha yonke engaqhatshwanga kulelidolobho ezatshaya i-toyi-toyi itshengisela ezitaladeni zakoBulawayo uma limali ingaphumanga ekupheleni kwalinyanga.

Uqhubeke esithi intsha yakulelidolobho ithukuthele igane unwabu ngokubanjiswa ilitshe ngalimali kungakho izimisele ukuyawangena amawofisi ebhanga le CABS nxa kungela mpumela ekupheleni kwenyanga.

XS
SM
MD
LG