amalinks wokungena

Breaking News

'Iphalamende Kumele Ibize uGumbo Achasise ngeZimbabwe Airways'


Uzulu uthi idale lephalamende kumele libize umphathintambo obona ngokuthwalwa kwabantu uMnu Joram Gumbo achasise ngokusungulwa kwenkampani yeZimbabwe Airways lokuthenga kwayo indizamtshina ezine kweleMalaysia.

Eyodwa yendizamtshina lezi ifike eZimbabwe izolo. Inkampani le yasungulwa nguhulumende kaMnu Robert Mugabe yasithenga indizamtshina lezi ngudlu ifihla lokuthi umniniyo ngubani.

Lanxa bekunakanelwa ukuthi umndeni kaMugabe ulesandla kuyo, umphathintambo wezemali uMnu Patrick Chinamasa ukulandile lokhu.

UChinamasa uthi inkampani le ngekahulumende weZimbabwe kanye lendizamtshina zonke ezithenge kweleMalaysia ezigoqela iBoeing 777 ebuye izolo.

Ekhuluma emkhosini wokwamukela indizamtshina le egcekeni leRobert Mugabe International Airport izolo, uMnu Chinamasa ukulandulile ukuthi imuli kaMnu Mugabe ilesabelo kuZimbabwe Airways.

Indizamtshina lezi zabiza imali efika ku$70 million. Uhulumende uthi sowabhadala i$41 million.

Osiyazi bathi iZimbabwe Airways yasungulwa nguhulumende ebalekela izikwelede zenkampani yakhe evele ikhona, eyeAir Zimbabwe.

Lanxa uChinamsa ezamile ukuyichasisa linsumansumane, uzulu uthi kulebibuzo eminengi emele iphendulwe nguGumbo lezinye iziphathamandla ezaphatheka ekuthengeni indizamtshina lezi, ezigoqela umkhwenyana kaMugabe, uMnu Simba Chikore.

Ingcwethi kwezenotho uMnu Masimba Kuchera uthi kaboni uhulumende kaMongameli Emmerson Mnangagwa evuma ukuthi inkampani yeZimbabwe Airways le iqhubeke ikhona.

please wait

No media source currently available

0:00 0:03:55 0:00

Facebook Forum

XS
SM
MD
LG