amalinks wokungena

Breaking News

IHighlanders Yehluleka Ukunqoba iHarare City; I-Chicken Inn Ikha Phansi


uAgrippa Murimba lo Moses Jackson
uAgrippa Murimba lo Moses Jackson

Bekulemidlalo yenguqu ngoLwesithathu yesigaba seCastle Lager Premier Soccer League.

Kade iyimidlalo okwakumele idlalwe ngeviki lesithathu. Enkundleni ye White City bekudibene iqembu le Chicken Inn lele FC Platinum.

Abadlali beqembu FC Platinum bathakazelela ukuhlohla.
Abadlali beqembu FC Platinum bathakazelela ukuhlohla.

Abafana beFC Platinum bathethe yomithathu imiklomelo ngemva kokunqoba abe Chicken Inn nge 1 ka nya njalo ohlohlele iqembu le zivakatshi ngu Agrippa Murimba ngehlandla lesibili elomdlalo.

Ekhuluma lentathelizindaba ekupheleni komdlalo obeziphethe esidukwini namhla kuqembu le FC Platinum uLizwe Sweswe uthe yena bekungekho lula ukuze benqobe.

Umdlao weChicken Inn le FC Platinum
Umdlao weChicken Inn le FC Platinum

“Bekungumdlalo onzima ngoba amaqembu womabili adlale kuhle njalo sibe lawo amathuba okuhlohla esingenelisanga ukuwasebenzisa okudale ukuba sibe lomhedehede kodwa sikhulume labo abafana baphenduka kuhlandla lesibili sebedlala ngcono.”

ULizwe Sweswe lo Agrippa Murimba bathakazelela ukuhlohla abasanda kukwenza ...
ULizwe Sweswe lo Agrippa Murimba bathakazelela ukuhlohla abasanda kukwenza ...

Limpumela itsho ukuba iqembu le FC Platinum selilemiklomelo elitshumi lesithupha okulinani elilingana lelileqembu elihlezi phezu kwengalane ele Ngezi Platinum njalo abafana be FC Platinum bahlezi endaweni yesibili ngoba bona behlohle kalutshwana.

Komunye umdlalo we PSL odlalwe namhla esigodlweni iHarare enkundleni ye National Sports Stadium iqembu le Harare City libe ngutshiki lobhanqa leHighlanders kungela qembu elenelise ukulitshayela emambuleni.

Emdlalweni weChicken Inn le FC Platinum
Emdlalweni weChicken Inn le FC Platinum

Iqembu le Highlanders likhuphuke layahlala endaweni yesine ngemva kwalimpumela lilemiklomelo elitshumi lane kuthi ele Harare City liyale lilokhu lisendaweni yetshumi lanhlanu njalo lilemiklomelo eyisikhombisa.

NgoLwsine, imidlalo iqhubekela phambili njalo iqembu le Dynamos lizadlala lele Black Rhinos enkundleni ye National Sports kuthi enkundleni ye Nyamhunga iqembu le ZPC Kariba lizangqikilana lele CAPS United.

Udaba Esilethulwe NguJoseph Njanji
please wait

No media source currently available

0:00 0:01:41 0:00

XS
SM
MD
LG