amalinks wokungena

Ama Warriors Aselolongela Imidlalo yeAFCON

  • Joseph Njanji

Aselolongwa amaWarriors.

Aqhubekela phambili amalungiselelo eqembu elimela ilizwe emdlalweni wenguqu elama Warriors ngemva kokuba abadlali beke bahlaba ikhefu benanza umnyaka omutsha.

Isikhulumeli senhlanganiso ye Zimbabwe Football Association, uXolisani Gwesela, uthe inengi labadlali beqembu lesizwe sebethe gwaqa esigodlweni ukuzoqhubekela phambili ngamalungiselelo abo awokuyaphatheka kumidlalo yokudinga intshantshu zezwekazi lase Africa ezaqhutshelwa elizweni le Gabon.

“Amalungiselelo ahamba kuhle sibili, baqhuba kuhle. Abafana bonke sebengenile ku camp ngaphandle kuka Khama Billiat kanye lo Knowledge Musona, kodwa sibakhangelele njengoba icamp iqhubekela phambili namhla ngemva kokuba beke baphumula ngekhefu lomnyaka omutsha.”

UXolisani Gwesela.
UXolisani Gwesela.

UGwesela uqhubekele phambili wathi iqembu le Zimbabwe likhangelelwe ukuphakama lilubhekise kwele Cameroon mhla ziyithoba minwe mbili.

Iqembu lama Warriors likhangelelwe ukudlala umdlalo wokuzwana amandla leqembu le Cameroon mhla zilitshumi kunyanga kaZibandlela phambilini kokudlulela kwele Gabon mhla zilitshumi lambili.

Ekhuluma phezu kwemibiko ethi abadlali beqembu lesizwe bafuna izimali ezithe xaxa ezingakhama inhlanganiso yeZifa uGwesela uthe ubudlelwano babo labadlali busesimeni esihle.

“Indaba zemali asandisi ukuthi sizixoxe uzulu esizwa, zindaba zethu labafana bethu phela lezi. Siyaxoxa labo sibonisane ukuba okuhle kibo lokuhle kunhlanganiso yikuphi.

“Asisoze silitshele ukuba bavume malini hatshi, kodwa engingakutshela uzulu yikuba yonke into ihlangene silungiselela ukuya eGabon.”

Iqembu leZimbabwe likusibaya sika Group B ndawonye lamaqembu abalisa ele Senegal, ele Algeria kanye lele Tunisia.

Abafana baka Kallisto Pasuwa bazadlala umdlalo wabo wakuqala ngeSonto mhla zilitshumi lanhlanu njalo bazangqikilana lele Algeria ngehola lesithupha enkundleni yeStade de Franceville.

Umdlalo wesibili wesibaya sika Group B uzakuba phakathi kweqembu le Senegal lele Tunisia ngehola lethoba minwe mbili.

Umncintiswano we Total Afcon 2017 wona uyabe uqale ngoMgqibelo mhla zilitshumi lane lapho iqembu elimela ilizwe eliqoqa limidlalo ele Gabon elizadlala khona lele Guinea Bissau kuthi ele Burkina Faso lizadibana lele Cameroon.

XS
SM
MD
LG