amalinks wokungena

Breaking News

Iqembu le Brazil Liya Kuma Quarter Finals Ngemva Kokungqoba ele Mexico


UNeymar Elithela Emambuleni

Iqembu lenguqu lakwele Brazil seliphumelele ukuyadlala esigabeni se quarter – final somncintiswano wenguqu owezizwe zomhlaba, iWorld Cup, oqhutshelwa kwele Russia kulezinsuku.

Iqembu le Brazil linqobe ele Mexico nge 2 ka nya njalo abalihlohleleyo ngabagadli abathi uNeymar da Silver Santos kanye lo Roberto Firmino bona abahlohle ngehlandla lesibili lomdlalo.

Limpumela itsho ukuba leliqembu eselaphakamisa isicoco se FIFA World Cup kahlanu lidlulele kusigaba esilandelayo esomncintiswano njalo intathelizindaba yezemidlalo uNash Mkokwayarira uthi lokhu kulibeka esimeni esihle esokuba liphakamise inkezo yalo eyesithupha kumncintiswano wezizwe zomhlaba.

“Ngibona angazathi amaqembu amakhulu angathi ayancintisa kakhulu kawasekho kulumncintiswano okokuthi ele Brazil selilamathuba amanengi awokuba bephakamise inkezo okwesithupha,” kutsho uMkokwayarira.

Amanye amaqembu asedlulele kusigaba esilandelayo esomncintiswano ngabalisa ele Uruguay lele France wona anqobe ngoMgqibelo ngemva kokuba ele France litshaye ele Argentina nge 4 ka 3 kuthi ele Uruguay linqobe ele Portugal nge 2 ka 1.

NgeSonto ele Russia linqobe ele Spain nge 4 ka 1 ngemva kokutshaywa kwembekwa njengoba umdlalo ubufike komlindi uyacina zingutshiki lobhanqa 1 ka 1.

Ele Croatia lalo lidlulele phambili ngeSonto ngemva kokutshaya ele Denmark nge 3 ka 2 sekutshaywe imbekwa ngemva kokuba isikhathi siphele zingutshiki lobhanqa 1 ka 1.

Namhla ebusuku iqembu le Belgium lizangqikilana lele Japan kuthi kusasa iqembu le Sweden lizadlala lele Switzerland kuthi ele England lizadlala lele Colombia.

Facebook Forum

XS
SM
MD
LG