amalinks wokungena

Breaking News

Iqembu leBulawayo City Linqoba eleNichrut Endlalweni wePSL


Lize lanqoba ngemva kwesikhathi eside iqembu lenguqu ele Bulawayo City lona elitshaye ele Nichrut nge 3 ka nya ngoLwesithathu.

Iqembu leBulawayo City lithe ngokuxotsha umqeqetshi uDarlington Dodo lenelisa ukunqoba ele Nichrut.

Limpumela ize ngemva kwemidlalo eyisithupha leliqembu lidliwa njalo umqeqetshi obambe isikhundla ngesikhathi kusadingwa umqeqetshi omutsha uBekithemba Ndlovu uthi abafana bakhe bangene kumdlalo wanamhla belokuzimisela.

“Abafana bahle batshengisa sisazilolonga ukuba bazimisele ukudlala kuhle njalo linguquko ebekhona kundlela abakade bekhangelele ngayo lumdlalo yiyo eyenze umehluko ngoba phambilini bebesebelokuzithandabuza njalo ngiyababonga ngomsebenzi abawenzileyo.”

Abafana be Bulawayo City bahlohlelwe nguJustin Kaunda, uMgcini Sibanda kanye lo Ishmael njalo sebelemiklomelo eyisikhombisa ngemva kwemidlalo eyithoba munwe munye.

Kweminye imidlalo edlalwe namhla iqembu le Chapungu linqotshwe ngele Dynamos nge 2 ka 1 njalo abahlohlele iDeMbate ngabathi uKudakwashe Kumwala kanye lo Quality Kangadze kuthi iqembu le Chapungu lihlohlelwe ngu Philip Marufu.

Iqembu le Yadah linqobe ele Shabanie Mine nge 1 ka nya njalo olihlohleleyo ngu Leeroy Murape, iqembu le Harare City linqobe ele Triangle nge 1 ka nya njalo lihlohlelwe ngu Moses Muchenje kuthi umdlalo obuphakathi kweqembu leBulawayo Chiefs lele Herentals uphele zingutshiki lobhanqa kungela elenelise ukulitshayela emambuleni.

Udaba Esilethulelwe NguJoseph Njanji
please wait

No media source currently available

0:00 0:01:34 0:00

Facebook Forum

XS
SM
MD
LG