amalinks wokungena

Breaking News

Iqembu Bulawayo City Lizaqhuba Uhlelo Lokudinga Amasu Okuliphathisa Ukuba Liqhube Kuhle Kumidlalo Yalo


Umdlalo wenguqu

Iqembu lomdlalo wenguqu ele Bulawayo City kulimpelaviki lizaqhuba uhlelo lokudinga amasu okuliphathisa ukuba liqhube kuhle kumidlalo yalo yalonyaka kusigaba se Castle Premier Soccer League.

Iqembu le Bulawayo City lisile ngesikhala senalithi ekugunyulweni kusigaba saphezulu ese PSL nyakenye okungaba kuyiso isizatho esokuba amalunga alo akubone kufanele ukuba ahlale phansi ahlanganise amakhanda ngesikhathi leliqembu liqala amalungiselelo alo alonyaka.

Obona ngokudlelana kweqembu le Bulawayo City lozulu uThandiwe Moyo uthi lumhlangano uzaqala ngoMgqibelo usiyaphela ngeSonto.

“Kusasa ngoMgqibelo mhla zingamatshumi amabili kunyanga kaZibandlela siyabe silomhlangano wethu istrategic planning meeting eyeqembu lethu ele Bulawayo City njalo sizahle sethuleleS uzulu abaqeqetshi bethu abazakhokhela iqembu lonyaka,” kutsho uMoyo.

Iqembu le Bulawayo City liqhatshe obengumqeqetshi weqembu le Tsholotsho uDarlington Dodo ukuba aliqeqetshe lonyaka njalo uthathe isikhundla ebesiphethwe nguMandla Mpofu nyakenye.

Leliqembu liphinde njalo ladinga lomqeqetshi wabonozinti omutsha uJulius Ndlovu obesebenzela iqembu le Chicken Inn eminyakeni edluleyo njalo uthethe isikhundla ebesiphethwe ngu Reginald Buhali.

Sikhangele umdlalo werugby;

Umncintiswano we Bulawayo Metropolitan Rugby Football Board Under 21 League ungena kumidlalo yezibaya eyokucina kulimpelaviki njalo amaqembu azadlala ngokulandelayo.

Iqembu lamajaha aleminyaka engaphansi kwamatshumi amabili lanye ele Matabeleland Warriors lizadibana lelabo sowabo ele Bulldogs ngehola lesibili emini kuthi ele Highlanders lizadlala lele Old Miltonians ngehola lesine emini yantambama.

Kuzakuba lomdlalo owodwa ozadlalwa ngamaqembu abesifazane njalo lo uzakuba phakathi kweqembu le Nyambose Ladies kanye lele Kudu Ladies ozadlalwa kugamanxa ihola lesithathu emini.

Yonke limidlalo izaqhutshelwa enkundleni yeHartsfield ngoMgqibelo.

please wait

No media source currently available

0:00 0:01:57 0:00

Facebook Forum

XS
SM
MD
LG