amalinks wokungena

Breaking News

Iqembu leDynamos Linqoba eleHighlanders Emdlalweni weZNA Trophy


FILE: Iqembu leHighlanders FC

Iqembu le Dynamos yilo eliphakamise inkezo yalonyaka eye ZNA Commander’s Charities Trophy ngemva kokunqoba ele Highlanders nge Sonto esigodlweni iHarare.

Ngokwakuqala ukuba iqembu le Dynamos liphakamise inkezo ye ZNA Commander’s Charities Shield selokhu lumncintiswano waqala eminyakeni eyisithupha eyadlulayo njalo lokhu likwenelise ngemva kokunqoba ele Highlanders nge 2 ka 1 emdlalweni oqhutshelwe enkundleni ye National Sports Stadium.

Ukaputeni weqembu le Dynamos uMarshal Machazane - odlale indima enkulu ekuhlohleni kweqembu lakhe igoli lakuqala - ubonge uNkulunkulu ngokwenelisa kwabo ukuphakamisa isicoco loba nje bekulokungahlaliseki kuleliqembu ensukwini ezedluleyo.

“Hayi asibonge uNkulunkulu mina okwamanje ngijabulile ngokwenelisa ukuphakamisa linkezo. Sisiya phambili lokhu sekwedlule sekumele sisebenze kanzima silungiselela imidlalo yeligi ezaqala mhla zilitshumi kunyanga kaMabasa.”

Imvimbi yeqembu le Highlanders uPeter Muduhwa uthi bengabe benqotshiwe liqembu le Dynamos kodwa badlale kuhle kakhulu.

“Ukudlala sidlalile sibili kuphela nje asibanga lenhlanhla eyokuthi sisebenzise amathuba esiwatholileyo. Sihlohlwe igoli lesibili ngemva kokuba sisuke sayekethisa kodwa okunye akulanto esingayisola okwenzakeleyo nje yikuba asibanga lenhlanhla.”

Unozinti weqembu le Highlanders uAriel Sibanda laye uvumelane lo Muduhwa ukuba ukungasebenzisi amathuba abawatholileyo yikho okudale umehluko phakathi kwamaqembu womabili.

Ngibona angani sithe sivela kukhefu sisuke salibala ukuba silandeni enkundleni kodwa sizamile ukuba siphenduke emdlalweni kodwa kuyalile. Siwatholile amathuba kodwa kuyalile njalo yikho vele okutholakalayo emdlalweni wenguqu nxa lingehluleka ukusebenzisa amathuba eliwatholayo.

“Lumncintiswano uqale ngomnyaka ka 2013 njalo iqembu le CAPS United yilo eliphakamise isicoco ngalowomnyaka kanye lanyakenye kuthi ele Highlanders liphakamise isicoco ngomnyaka ka 2015 langomnyaka ka 2016 kuthi ele FC Platinum liphakamise isicoco ngomnyaka ka 2014.”

Iqembu le Dynamos lithole imendulo lenkulungwane ezilitshumi lanhlanu zamadola kuthi ele Highlanders lona lithole imendulo lenkulungwane ezilitshumi zamadola.

Facebook Forum

XS
SM
MD
LG