amalinks wokungena

Breaking News

Iqembu leBayern Munich Lithatha Inkezo yeUEFA Champions League


Abeqembu leBayen Munich bephethe inkezo eye UEFA Champions League

Iqembu lomdalo wenguqu ele Bayern Munich lenelise ukuphakamisa inkezo eyeUnion of European Football Champions League ngemva kokunqoba ele Paris Saint Germain ngde 1 ka nya ngeSonto ntambama.

Lokhu kutsho ukuba iqembu leli seliphakamise inkezo le okwesithupha embalini yalumncintiswano owe EUFA Champions League.

Umncintiswano we EUFA Champions League kwakumele ufike emaphethelweni ekupheleni kwenyanga kaNkwenkwezi kodwa wasudluliselwa phambili ngemva kokuqhamuka komkhuhlane we Covid – 19.

Kusukela kusigaba se quarter – final imidlalo yonke idlalelwe elizweni lase Portugal njalo inkokheli zenhlanganiso ye EUFA zilomcabango wokuba kuhle kuguqulwe indlela okudlalwa ngayo kodwa umlandeli womdlalo wenguqu uSibonakaliso Ndlovu uthi lokhu akusilo cebo elihle.

“Banengi abalandeli bomdlalo wenguqu khonale emazweni abangaphoxeka kakhulu nxa kungahle kudlalwe ngendlela okudlalwe ngayo lonyaka, ngoba asibo bonke abangenelisa ukulandela amaqembu abawathandayo kulelolizwe okuyabe kudlalelwa khona.

Ikhona imncintiswano efana leyezizwe zomhlaba edlalelwa elizweni elilodwa yiyo okumele iqhubekele phambili injalo hatshi owe champions league,” kutsho uNkosazana Ndlovu.

Kolunye udaba olumayelana lomdlalo wenguqu, iqembu elihlezi phezu kwengalane kumncintiswano we ABSA Premier Soccer League ele Kaiser Chiefs lehluleke ukukhuphula inani lemiklomelo elikhokhela ngayo ngemva kokuba lithole umklomelo owodwa kuphela emidlalweni emibili eliyidlale ensukwini ezisanda kwedlula.

Lokhu kutsho ukuba iqembu le Mamelodi Sundowns lona elilehlezi endaweni yesibili lilethuba lokuphungula lelonani nxa linganqoba ele Golden Arrows khathesi ntambama.

Iqembu le Kaiser Chiefs lilemiklomelo engamatshumi amahlanu lantathu ngemva kwemidlalo engamatshumi amabili lesithupha kuthi ele Sundowns lona lilemiklomelo engamatshumi amane lesikhombisa ngemva kokudlala imidlalo engamatshumi amabili lanhlanu.

Udaba Esilethulwe NguJoseph Njanji
please wait

No media source currently available

0:00 0:01:46 0:00


Facebook Forum

XS
SM
MD
LG