amalinks wokungena

Sokuqoqwe Imidlalo yeHighlanders leManzini Wanderers

  • Joseph Njanji

Nkosilathi Ndiweni

Inhlanganiso okuthiwa yiRoyal Cup Trust Foundation isiyethule inhlelo zokuqoqa umdlalo wenguqu phakathi kweqembu le Highlanders lele Manzini Wanderers elase Swaziland ekuqaleni komnyaka ozayo.

Ekhuluma emkhosini wokwethulwa okusemthethweni kwenhlanganiso ye Royal Cup Trust Foundation, umqondisi walinhlanganiso uNkosinathi Ndiweni, uthe injongo yayo ngeyokulondoloza amasiko njalo ilenhlelo ezimbalwa ezigoqela ezemidlalo ezizaphathisa ukuba ifeze lokhu.

UNdiweni uqhubekele phambili wathi iRoyal Cup Trust Foundation isungulwe ngesikhathi kuqala inhlelo zokuthakazelelwa kokufikisa kweqembu le Highlanders iminyaka engamatshumi ayithoba munwe munye.

Baphatheke kunhlelo zokuletha iqembu le Gilport Lions elase Botswana ukuzodlala leqembu le Highlanders ngenyanga kaNhlolanja lonyaka njalo ngomnyaka ozayo baqoqa ukuba iqembu le Highlanders lidibane lele Manzini Wanderers elase Swaziland ngenyanga kaNhlolanja khonapha koBulawayo.

Iqembu le Highlanders lisungulwe ngabazukulu benkosi yokucina eyesizwe samaNdebele uLobengula ikanti ele Manzini Wanderers lona liqembu yelinye lamakhosikazi eNkosi uMswati.

UNdiweni uthi umdlalo lo ozakuba phakathi kweqembu le Highlanders lele Manzini Wanderers yisiqalo nje kodwa abasoze bame lapho ngoba belenhlelo ezigoqela eminye imidlalo.

Phambilini komdlalo wenguqu kukhangelelwe ukuba lombukiso wezamasiko lemidlalo yesintu ngaphansi kwe motto ethi “Encouraging Cultural Practices Through Sport Interaction.”

XS
SM
MD
LG