amalinks wokungena

Breaking News

Iqembu leHighlanders Linqoba eleHwange


Iqembu leDynamos selilemiklomelo eyisitshiyagalolunye emveni kokunqoba eleDongo Sawmill nge 1-0 emdlalweni obuseHarare ngoLwesihlanu.

Emdlalweni obukoBulawayo iqembu leHighlanders lona linqobe eleHwange ngomklomelo ofanayo. Ohohlele iBosso nguWebster Chingodza ngehlandla lakuqala lomdlalo.

Enkundleni yeLuveve iChicken Inn layo inqobe iqembu leTsholotsho FC nge1-0 njalo ohlohlele leliqembu nguClemence Matawu.

Komunye umdlalo obuseHarare iqembu leZPC Kariba libhuqe eleBuffaloes nge4-2 okutsho ukuba selilemiklomelo eyisikhombisa. ITriangle yona itshaye iChapungu nge 2-0.

Umdlalo obuphakathi kweWhawha leHarare City uphele ungitshiki lobhanqa 1-1.

Imidalo yePSL iqhubekela phambili ngeSonto langoMvulo.

Kusasa khona iqembu le FC Platinum lizadibana leleYoung Africans eleTanzania kuhlandla lesibili lemidlalo yeCaf Confederations Cup.

Iqembu le Platinum kumele linqobe ngemiklomelo emine kungela mpendulo ukuze lidlulele kusigaba esilandelayo njengoba latshaywa nge 5-1 kuhlandla lakuqala eladlalelwa Tanzania kumaviki amabili edlulayo.

please wait

No media source currently available

0:00 0:01:09 0:00
Lapho esitholakala khona
XS
SM
MD
LG