amalinks wokungena

Breaking News

Iqembu leMatabeleland Select Team Libangelakuqala Ukudlala Imidlalo ye Conifa, eBhilitane


Iqembu leMatabeleland Select

Iqembu lomdlalo wenguqu eleMatabeleland Select Team selifikile ukuzodlala imidlalo yenguqu yomhlaba ezakwenzelwa eLondon kweleBhilithane eqala ngoLwesihlanu.

Imidlalo le idlalwa ngamazwe lezigaba zomhlaba ezincindizelwayo, zihlukunyezwa ngezombusazwe njalo zingananzwa ngohulumende bazo.

Ngokwakuqala ukuthi iqembu eliphuma kweleZimbabwe liphatheke kulimdlalo eye Confederacy of Independent Football-Conifa.

Unobhala jikelele weUK Matabeleland Football Confederacy Committee uMnu Nqobile Nkomo nguye owamukele leliqembu uchasisa ngaloluhambo.

“Hayi yona idelegation ifike kahle ibikhokhelwa nguBusani Sibindi onguye uProject Director njalo bekulo Busani Kanye onguye utechinical team obambisane lomanager uJustine Mwale. UCaptain weteam uPraise Ndlovu hayi uthi abafana bakhangelele umdlalo, yena uCaptain bambiza malume. Hayi sesilinde thina ukuthi sitshayne lePadania mhlaka 31 May ngo 3 0'clock,” kutsho uNdlovu.

U Nkomo uyaphambili ekhuthaza izizalwane zeZimbabwe ezihlala kweleBhilithane ukuzosekela abafana basekhaya.

“Siyacela ebantwini ukuthi bantu bakithi asizeni ngobunengi bethu sizobukela abafana njalo sibone ukuthi siyaba supporter. Sithabe kakhulu ngokuthi abafana bafikile kodwa singani asithokozanga ngoba isupport yabantu bakithi ungani ayeneli,” kutsho uNkomo.

Amatikiti okungena kulimdlalo ayathengiswa kodwa abantu beZimbabwe abahlala eNgilande bakhanya bengela sifiso sokuthenga, ababonakala bethenga ngabamhlophe kuphela.

Umhlabeleli wengoma zabomasigandi uSisasenkosi uzabesenza adume ngakho kulimdlalo.

“Ngingu Culturural Ambassodor weqembu lethu leMatebeleland eqala kusasa eLondon thina yithi sizabesi khuluma ngezolimi lwakithi sikhuluma ngamasiko akithi sihamba labafana bethu kule imdlalo ye Conifa,” kutsho uSisasenkosi.

Imidlalo yeCONIFA iqala kusasa njalo izadonsa okwamaviki amabili, abafana beMatabeleland Select team bebezilolonga namuhla emini bathi bazimisele ukuphakamisa isigaba sakibo emhlabeni wonke jikelele ngokunqoba bathathe linkezo yomhlaba.

please wait

No media source currently available

0:00 0:02:59 0:00

Facebook Forum

XS
SM
MD
LG