amalinks wokungena

Breaking News

Iqembu leZimbabwe Linqoba EleBangladesh Emdlalweni Wekhilikithi


Iqembu elimela ele Zimbabwe emdlalweni kakhilikithi linqobe ele Sri Lanka nge 12 runs emdlalweni wesibili womncintiswano we Tri-Nations Series oqhutshelwa elizweni lase Bangladesh.

Iqembu le Zimbabwe yilo eliqale ukutshaya ibhola lathola ama runs angamakhulu amabili lamatshumi ayithoba munwe munye (290) lilahlekelwe ngabadlali abayisithupha kuma overs angamatshumi amahlanu.

UHamilton Masakadza kanye lo Sikandar Raza badlale indima enkulu ekubutheleleni kwe Zimbabwe inani elithe xaxa njengoba uMasakadza ethole ama runs angamatshumi ayisikhombisa lantathu kuthi uRaza uthole ama runs angamatshumi ayithoba minwe mbili lanye.

Iqembu lase Sri Lanka lithe seliphendula lalahlekelwa ngabadlali bonke selibuthelele ama runs angamakhulu amabili lamatshumi ayisikhombisa lathoba minwe mbili (278) kusele amabhola alitshumi lanye ukuba lifikise ama overs angamatshumi amahlanu.

Umdlali weqembu le Zimbabwe uTendai Chatara uthethe ama wickets amane abadlali base Sri Lanka.

Emdlalweni wakuqala womncintiswano odlalwe ngoMvulo iqembu le Zimbabwe linqotshwe kabuhlungu ngama wickets ayithoba minwe mbili ngele Bangladesh njalo ukaputeni walo uGraeme Cremer uthi namhla badlale ngokuzimisela okukhulu ukuze bephumelele.

“Siqale kuhle kakhulu ekutshayeni kwethu ibhola nxa sikhangela indlela abadlali ababalisa uHamilton Masakadza, uSolomon Mire kanye lo Sikandar Raza abadlale ngayo njalo kutshengisa ukuzimisela kwethu njengabadlali ukunqoba ngaloluhlobo ngemva kokuba sinqotshwe kabuhlungu emdlalweni wethu wakuqala.”

URaza nguye umdlali okhethwe ukuba nguye odlale okwedlula abanye.

Umncintiswano uqhubekela phambili ngoLwesihlanu lapho iqembu le Sri Lanka elizadibana khona lele Bangladesh kuthi ngeSonto mhla zingamatshumi amabili lanye iqembu le Zimbabwe lizangqikilana njalo lele Sri Lanka, mhla zingamatshumi amabili lantathu ngoLwesibili iqembu le Zimbabwe lizadlala lele Bangladesh kuthi ngoLwesine mhla zingamatshumi amabili lanhlanu iqembu le Bangladesh lizadlala lele Sri Lanka.

Amaqembu amabili azabuthelela imiklomelo eminengi yiwo azadibana ku final mhla zingamatshumi amabili lesikhombisa.

Ezemidlalo siloJoseph Njanji
please wait

No media source currently available

0:00 0:02:07 0:00

Facebook Forum

XS
SM
MD
LG