Iqula likaMongameli Jacob Zuma weleSouth Africa lifike elizweni ukuzokhulumisana lamabandla ezombusazwe ngoLwesibili mayelana lokufuthelana okukhona kanye lokunye okusahluphayo kusivumelwano seGlobal Political Agreement.
Iqula leli litshone lihlangana labammeli bamandla womathathu akuhulumende ngoLwesithathu njalo lithi lizahlangana labeJomic kanye labekomishini ebona ngokuqhutshwa kokhetho.
Ingcwethi ecubungula ezombusazwe uMnu Effie Dlela Ncube uthe izithunywa zikaZuma kumele ziphathe uMongameli Mugabe ngesandla esilukhuni ngoba kulibandla lakhe leZanu PF elivimba ingqubelaphambili.
