amalinks wokungena

I-RBZ Yehlisa Indleko Yokuthatha Imali Emabhanga

  • Ntungamili Nkomo

Ibhanga elikhulu lelizwe eleReserve Bank of Zimbabwe (RBZ) selehlise umthelo obhadalwa nguzulu nxa ethatha imali yakhe emabhanga.

Lokhu kulandela ukukhonona kwabantu ngendleko le besithi iphezulu kakhulu.

Ukuthatha amadola alikhulu emtshineni weATM kumbe phakathi ebhanga umuntu ubehlawuliswa imali ephakathi kwe$3 le$5.

Kodwa iReserve Bank ithi ukuthatha amadola alikhulu kuATM umuntu kumele ahlawule idola elilodwa kuthi nxa eyithatha phakathi ebhanga kumele ahlawule idola elilama cents angamatshumi amabili lanhlanu.

Le yinto ethakazelelwe kakhulu nguzulu kanye lengcwethi kwezenotho uMnu Rejoice Ngwenya lanxa nje esithi lokhu akusoze kusize ngalutho kudaba lokusilela kwemali elizweni.

“Lokhu singathi yinto enhle sibili eyenziwe libhanga elikhulu kodwa angiboni kuqeda udubo lokusilela kwemali elizweni,” kutsho uNgwenya.

XS
SM
MD
LG