amalinks wokungena

Breaking News

ISADC Ikhetha Iqula Lokusebenzelana LeJomic


Inhlanganiso yeSadc ithi isikhethe iqula labantu abathathu abazasebenzelana logatsha lweJomic kanye lequla likaMongameli Jacob Zuma emizameni yokulungisisa udaba lweZimbabwe.

Inhlanganiso le ithi abathathu laba yizizalwane zamazwe athi iSouth Africa, Zambia leMozambique.

Umlandu wabo omqoka ngowokuphuma logwalo mayelana lokwenzakala elizweni oluzahlaziywa yinkokheli yeSadc emhlanganweni ozakwenzelwa kweleNamibia ngenyanga ezayo.

ISadc Troika yiyo eyaphuma lomcabango wokubunjwa kwequla leli kumaviki asanda kwedlula emhlanganweni obuseZambia.

Umabhalane weSadc uMnu Tomaz Salomao uveze ukuba baphakathi kokulungiselela ukuthumela iqula leli eZimbabwe.

Ilunga leJomic, uNkosazana Thabitha Khumalo, ongumsekeli wesikhulumeli seMDC ekhokhelwa nguMnu Morgan Tsvangirai uthi iJomic ikhangelele ukuqala ngokuhlaziya udaba lodlakela lequla leSadc leli.

XS
SM
MD
LG