amalinks wokungena

Breaking News

Isidumbu sikaTsvangirai Sesisemzini Wakhe eBuhera; Uzabekwa ngoLwesibili


Isidumbu sikaMnu Morgan Tsvangirai sifike emzini wakhe eBuhera ngoMvulo sithwelwe nge-helicopter kahulumende ngaphambilini kokubekwa kwakhe ngoLwesibili.

I-helicopter yebutho yiyo ebithwele isidumbu ikhatshwe ngeyamapholisa.

Emini khona inkulungwane lenkulungwane zabantu zibuthene egcekeni leFreedom Square eHarare emkhosini wokuvalelisa uTsvangirai.

Abakhulume kulumbuthano bachaze umufi njengeqhawe lamaqhawe elisebenze gadalala kumzabalazo wombuso okhululekileyo eZimbabwe.

Ekhuluma kulumbuthano, uMnu Nelson Chamisa uthe nguye osekhokhela iMDC-T ngoba ekhethwe lidale lalelibandla eleNational Council ngeviki edluleyo.

Inkulungwane zabasekeli beMDC-T zivalelisa uMnu Morgan Tsvangirai eHarare
Inkulungwane zabasekeli beMDC-T zivalelisa uMnu Morgan Tsvangirai eHarare

Lanxa abanye bephikisa ukukhethwa kwakhe, uChamisa uthe wakhethwa okusemthethweni kulandelwa isisekelo sombuso webandla, iconstitution.

Abaphikisa ukukhethwa kukaChamisa lokhu bagoqela uMnu Elias Mudzuri, uNkosazana Thokozani Khupe lezinye iziphathamandla.

Abasekeli beMDC-T embuthanweni wokuvalelisa umkhokheli wabo uMnu Morgan Tsvangirai.
Abasekeli beMDC-T embuthanweni wokuvalelisa umkhokheli wabo uMnu Morgan Tsvangirai.

Unobhala jikelele weMDC-T uMnu Douglas Mwonzora, ongomunye wabaphikisa ukukhethwa kukaChamisa uthi umhlangano weCongress yiwo wodwa olamandla okukhotha umkhokheli webandla.

Obona ngokuqhutshwa kwenhlelo zalelibandla uMnu Abednico Bhebhe utshele iStudio 7 ukuthi bazazama ukukhumisana umlotha bebambane ukuze benqobe kukhetho oluzayo.

please wait

No media source currently available

0:00 0:01:45 0:00

Facebook Forum

XS
SM
MD
LG