amalinks wokungena

Sokuqhamuke Umkhuhlane Wesihudo koBulawayo


Kugcwele ingcekeza phandle kwe Burombo Flats koBulawayo.

Izakhamizi ezedlula amatshumi amathathu zemzini weMakokoba eBurombo Flats koBulawayo, sezihlaselwe ngumkhuhlane wesihudo.

Zithi ikhansili yedolobho leli iyehluleka ukulondoloza ukuhlanzeka kulindawo,

Zigcizelele zisithi izambuzi zihlala zivuza amanzi njalo ikhansili iyehluleka ukubutha izibi phandle kwe Burombo Flats kuWard 8.

Isikhulumeli sezakhamizi zeBurombo Flats, uMnunzana Moffat Nkomo, uthe isihudo esesibambe izakhamizi ezinengi silakho ukumemetheka njengoba kungelakuhlanzeka kuleyo ndawo.

Amanzi ayachitheka kwezinye indawo zeBurombo Flats koBulawayo.
Amanzi ayachitheka kwezinye indawo zeBurombo Flats koBulawayo.

Wengeza esithi sebelamaviki ambalwa bebhekane lodubo lwesihudo segazi abantu begijinyiselwa esibhedlela malanga wonke.

Isakhamuzi seBurombo Flats esiphathwe ngumkhuhlane wesihudo, uNkosikazi Mercy Sibanda, uthe umkhuhlane lo uma ukuhlasela kuqala ikhanda elitshaya ngamandla kulandele isihudo esilegazi.

Isikhulumi sekhansili yakoBulawayo, uNkosikazi Nesisa Mpofu, uthe sebeyitholile imbiko yokuqhamuka kwesihudo segazi eBurombo Flats njalo baphakathi kokubona ukuba kungenziwani ukuthi kusizwe abantu.

UNkosikazi Nesisa Mpofu, isikhulumeli sekhansili yakoBulawayo.
UNkosikazi Nesisa Mpofu, isikhulumeli sekhansili yakoBulawayo.

Wengeze esithi sebehlolile amanzi anathwa eBurombo Flats okuveze ukuthi kawalamkhuhlane njalo amanye sebewase eHarare ukuba ayehlolwa.

Uthe amadokotela ekhansili lokhe ehlolisisa umkhuhlane lo.

UMayor weDolobho lakoBulawayo, uMnu. Martin Moyo, uthe ukhathazekile ngomkhuhlane osuhlasele abantu abahlala beBurombo Flats.

XS
SM
MD
LG