amalinks wokungena

Isingaphi Imizamo Yokumanyaniso iMDC leMDC-T?

  • Ntungamili Nkomo

Ibandla leMovement for Democratic Change (MDC) elikhokhelwa nguMnu. Welshman Ncube lithi lanxa kulembiko ethi ezinye iziphathamandla zeMDC-T azifuni ukuthi amabandla womabili amanyane, belingakaziswa ngokusemthethweni ngalokho yiMDC-T.

Imbiko le isiphume emaphephandabeni atshiyeneyo ngesikhathi umkhokheli weMDC-T uMnu. Morgan Tsvangirai ebhoda ngelizwe ekhulumisana labasekeli bakhe ngodaba lokumanyana lamanye amabandla ngaphambilini kokhetho luka2018.

“Esisekuzwile ngamahungahunga okuthi amanye amalunga eMDC-T ikakhulu awedale lephalamende kafuni ukuthi kumanyanwe ngoba esesaba ukulahlekelwa yizikhundla,” kutsho umsekeli wesikhulumeli seMDC kaNcube uMnu. Mbuso Siso.

UNcube wengeze wathi lanxa kunjalo, inkulumo phakathi kwamabandla womabili ziyaqhubeka.

Kodwa umsekeli wesikhulumeli seMDC-T uNkosazana Thabitha Khumalo yena uthe akekho kubukhokheli bebandla lakhe osephumele egcekeni ephikisa ukumanyana leMDC.

Ukulandule njalo ukuthi inkulumo phakathi kwamabandla womabili sezaqalisa.

XS
SM
MD
LG