amalinks wokungena

Breaking News

Isinqumo Sokulotshwa Kutshwa Komhloliso we"O" Level ngoLwesithathu


Umthethwandaba weHigh Court ngoLwesithathu uzakwethula isinqumo sawo kudaba olukhwezwe ngabazali abaphikisa ukulotshwa kakutsha komhloliso we“O” Level, English Paper 2.

Udaba lolu luhluzwe kabanzi yilelidale ngoLwesibili amagqwetha abazali laba esithi akulunganga ukuthi abantwana bonke babhaliswe umhloliso lo kakutsha.

Umphathintambo wezemfundo uMnu Paul Mavhima wazise ngeviki edluleyo ukuthi uhulumende uthethe lelinyathelo ngoba kube lokuqilibezela kwabafundi okubanzi ekuwulobeni nyakenye.

UMavhima uthi abanye abantwana bathola iphepha lalumhloliso ngudlu bathi besiyaloba sebeyibonile imibuzo njalo sebezazi impendulo.

Amagqwetha amela abazali abaphikisa loludaba ngawenhlanganiso elwela amalungelo oluntu, iZimbabwe Lawyers for Human Rights.

Abantu abanengi abagoqela abazali, ababalisi labafundi basola uhulumende besithi akulunganga ukuthi ejezise abantwana bonke ngenxa yokuqilibezela okwenziwa ngabalutshwana.

Omunye wabasole kakhulu uhulumende ngolwela amalungelo oluntu uNkosazana Linda Mpofu.

please wait

No media source currently available

0:00 0:02:01 0:00

Facebook Forum

XS
SM
MD
LG